Australia ਵਿੱਚ ਪੰਜਾਬੀ ਨੂੰ ਹੋਈ 25 ਸਾਲ ਕੈਦ ਦੀ ਸਜ਼ਾ, ਪੜ੍ਹੋ ਵੇਰਵਾ
ਮੋਗਾ, 11 ਦਸੰਬਰ 2025 (ਵਿਸ਼ਵ ਵਾਰਤਾ) – ਮੋਗਾ ਦੇ ਰਾਜਵਿੰਦਰ ਸਿੰਘ ਨੂੰ ਆਸਟ੍ਰੇਲੀਆ (Australia) ਵਿੱਚ ਕਤਲ ਦੇ ਦੋਸ਼ ਵਿੱਚ 25 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਦੋਸ਼ੀ ਨੂੰ ਦਿੱਲੀ ਪੁਲਿਸ ਨੇ 8 ਸਾਲ ਪੁਰਾਣੇ ਇੱਕ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕਰ ਲਿਆ ਸੀ ਅਤੇ ਆਸਟ੍ਰੇਲੀਆ ਹਵਾਲੇ ਕਰ ਦਿੱਤਾ ਗਿਆ ਸੀ।
ਮਾਮਲਾ 2018 ਦਾ ਹੈ ਜਦੋਂ ਰਾਜਵਿੰਦਰ ਨੇ ਕੁਈਨਜ਼ਲੈਂਡ ਦੇ ਸੁੰਨਸਾਨ ਵਾਂਗੇਟੀ ਬੀਚ ‘ਤੇ 24 ਸਾਲਾ ਟੋਇਆ ਕੋਰਡਿੰਗਲੇ ਦਾ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ ਸੀ। ਟੋਇਆ ਆਪਣੇ ਕੁੱਤੇ ਨੂੰ ਸੈਰ ਕਰਵਾਉਣ ਲਈ ਬੀਚ ‘ਤੇ ਆਈ ਸੀ, ਉਸ ਵੇਲੇ ਰਾਜਵਿੰਦਰ ਨੇ ਉਸਦਾ ਕਤਲ ਕਰ ਦਿੱਤਾ।
ਦਰਅਸਲ ਰਾਜਵਿੰਦਰ ਆਪਣੀ ਪਤਨੀ ਨਾਲ ਝਗੜੇ ਤੋਂ ਬਾਅਦ ਗੁੱਸੇ ਵਿੱਚ ਰਸੋਈ ਦੇ ਚਾਕੂ ਨਾਲ ਬੀਚ ‘ਤੇ ਪਹੁੰਚਿਆ। ਟੋਇਆ ਅਤੇ ਰਾਜਵਿੰਦਰ ਵਿਚਕਾਰ ਬਹਿਸ ਹੋ ਗਈ। ਫਿਰ ਉਸਨੇ ਉਸ ‘ਤੇ ਕਈ ਵਾਰ ਚਾਕੂ ਮਾਰ ਕੇ ਉਸਦਾ ਕਤਲ ਕਰ ਦਿੱਤਾ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
