Diogo Jota Died: ਇਸ ਦਿੱਗਜ ਖਿਡਾਰੀ ਦੀ ਸੜਕ ਹਾਦਸੇ ‘ਚ ਮੌਤ, ਸਦਮੇ ‘ਚ ਪ੍ਰਸ਼ੰਸ਼ਕ
ਸਿਰਫ਼ 10 ਦਿਨ ਪਹਿਲਾਂ ਹੋਇਆ ਸੀ ਵਿਆਹ
ਨਵੀ ਦਿੱਲੀ, 3 ਜੁਲਾਈ 2025 (ਵਿਸ਼ਵ ਵਾਰਤਾ): ਫੁੱਟਬਾਲ ਦੀ ਦੁਨੀਆ ਤੋਂ ਇੱਕ ਬਹੁਤ ਹੀ ਦੁਖਦਾਈ ਖ਼ਬਰ ਆਈ ਹੈ। ਲਿਵਰਪੂਲ ਦੇ ਸਟਾਰ ਫਾਰਵਰਡ ਡਿਏਗੋ ਜੋਟਾ (Diogo Jota Died) ਦੀ 3 ਜੁਲਾਈ ਨੂੰ ਇੱਕ ਭਿਆਨਕ ਸੜਕ ਹਾਦਸੇ ਵਿੱਚ ਮੌਤ ਹੋ ਗਈ। ਡਿਏਗੋ ਜੋਟਾ ਦੇ ਵਿਆਹ ਨੂੰ ਸਿਰਫ਼ 10 ਦਿਨ ਹੀ ਹੋਏ ਸਨ। ਉਸਨੇ 22 ਜੂਨ ਨੂੰ ਆਪਣੀ ਮੰਗੇਤਰ ਰੂਥ ਕਾਰਡੋਸੋ ਨਾਲ ਵਿਆਹ ਕਰਵਾਇਆ ਸੀ।
ਇਸ ਹਾਦਸੇ ਵਿੱਚ ਉਸਦੇ ਛੋਟੇ ਭਰਾ ਆਂਦਰੇ ਜੋਟਾ ਦੀ ਵੀ ਮੌਤ ਹੋ ਗਈ। ਇਹ ਦਰਦਨਾਕ ਹਾਦਸਾ ਸਪੇਨ ਦੇ ਸ਼ਹਿਰ ਜ਼ਮੋਰਾ ਵਿੱਚ ਵਾਪਰਿਆ, ਜਿੱਥੇ ਡਿਏਗੋ ਅਤੇ ਉਸਦਾ ਭਰਾ ਆਂਦਰੇ ਲੈਂਬੋਰਗਿਨੀ ਕਾਰ ਵਿੱਚ ਸਫ਼ਰ ਕਰ ਰਹੇ ਸਨ। ਸਥਾਨਕ ਸਮੇਂ ਅਨੁਸਾਰ ਰਾਤ 12:40 ਵਜੇ, ਕਾਰ ਸੰਤੁਲਨ ਗੁਆ ਬੈਠੀ ਅਤੇ ਓਵਰਟੇਕ ਕਰਦੇ ਸਮੇਂ ਇੱਕ ਟਾਇਰ ਫਟ ਗਿਆ, ਜਿਸ ਕਾਰਨ ਕਾਰ ਵਿੱਚ ਭਾਰੀ ਅੱਗ ਲੱਗ ਗਈ। ਅੱਗ ਇੰਨੀ ਭਿਆਨਕ ਸੀ ਕਿ ਦੋਵੇਂ ਭਰਾਵਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
