ਪੰਥਕ ਸੰਕਟ ਵਿਚਾਲੇ ਗਿਆਨੀ ਹਰਪ੍ਰੀਤ ਸਿੰਘ ਪਹੁੰਚੇ ਆਸਟਰੇਲੀਆ
ਮੈਲਬੌਰਨ, 25ਅਕਤੂਬਰ(ਗੁਰਪੁਨੀਤ ਸਿੱਧੂ) ਸ਼੍ਰੋਮਣੀ ਅਕਾਲੀ ਦਲ ਦੇ ਇੱਕ ਸਾਬਕਾ ਸੀਨੀਅਰ ਆਗੂ ਵੱਲੋਂ ਤਖ਼ਤ ਸ਼੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਖਿਲਾਫ਼ ਕੀਤੀ ਬਿਆਨਬਾਜ਼ੀ ਅਤੇ ਸ਼ਬਦੀ ਹਮਲਿਆਂ ਤੋਂ ਬਾਅਦ ਪੈਦਾ ਹੋਏ ਪੰਥਕ ਸੰਕਟ ਵਿਚਾਲੇ ਅੱਜ ਗਿਆਨੀ ਹਰਪ੍ਰੀਤ ਸਿੰਘ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦੀਆਂ 45 ਬੀੜਾਂ ਲੈ ਕੇ ਆਸਟਰੇਲੀਆ ਪਹੁੰਚੇ ਹਨ।
ਜਾਣਕਾਰੀ ਅਨੁਸਾਰ ਉਹ ਮੈਲਬੌਰਨ ਵਿੱਚ ਇੱਕ ਸਿੱਖ ਪਰਿਵਾਰ ਕੋਲ ਰੁਕੇ ਹਨ। ਮੈਲਬੌਰਨ ਵਿੱਚ ਵੱਖ-ਵੱਖ ਗੁਰਦੁਆਰਿਆਂ ਵਿੱਚ ਹਾਜ਼ਰੀ ਲਵਾਉਣ ਤੋਂ ਬਾਅਦ ਉਹ ਕੱਲ੍ਹ ਗੁਰੂ ਗ੍ਰੰਥ ਸਾਹਿਬ ਦੇ 45 ਪਾਵਨ ਸਰੂਪਾਂ ਨਾਲ ਨਿਊਜ਼ੀਲੈਂਡ ਪਹੁੰਚਣਗੇ। ਹੋਰ ਜਾਣਕਾਰੀ ਅਨੁਸਾਰ ਉਹ ਕੱਲ੍ਹ ਸ਼ਾਮ ਨਿਊਜ਼ੀਲੈਂਡ ਔਕਲੈਂਡ ਏਅਰਪੋਰਟ ਪਹੁੰਚਣਗੇ।
