Latest News: ਹਰਿਆਣਾ ਵਿਚ 1 ਅਕਤੂਬਰ ਤੋਂ ਹੋਵੇਗੀ ਕਪਾਹ ਦੀ ਖਰੀਦ
ਭਾਰਤੀ ਕਪਾਹ ਨਿਗਮ ਰਾਹੀਂ ਐਮਐਸਪੀ ‘ਤੇ ਹੋਵੇਗੀ ਖਰੀਦ
ਚੰਡੀਗੜ੍ਹ, 24 ਅਗਸਤ (ਵਿਸ਼ਵ ਵਾਰਤਾ)Latest News : ਹਰਿਆਣਾ ਵਿਚ ਖਰੀਫ ਮਾਰਕਟਿੰਗ ਸੀਜਨ 2024-25 ਤਹਿਤ ਕਪਾਹ ਦੀ ਖਰੀਦ 1 ਅਕਤੂਬਰ, 2024 ਤੋਂ ਸ਼ੁਰੂ ਹੋਵੇਗੀ। ਭਾਰਤ ਸਰਕਾਰ ਦੇ ਨਿਯਮ ਅਨੁਸਾਰ ਭਾਰਤੀ ਕਪਾਹ ਨਿਗਮ ਰਾਹੀਂ ਕਪਾਅ ਦੀ ਖਰੀਦ ਘੱਟੋ ਘੱਟ ਸਹਾਇਕ ਮੁੱਲ (ਐਮਐਸਪੀ) ‘ਤੇ ਕੀਤੀ ਜਾਵੇਗੀ।
ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਡਾ. ਰਾਜਾ ਸ਼ੇਖਰ ਵੁੰਡਰੂ ਦੀ ਅਗਵਾਈ ਹੇਠ ਕਪਾਹ ਖਰੀਦ ਦੀ ਤਿਆਰੀਆਂ ਨੂੰ ਲੈ ਕੇ ਸਮੀਖਿਆ ਮੀਟਿੰਗ ਹੋਈ।
ਡਾ. ਰਾਜਾ ਸ਼ੇਖਰ ਵੁੰਡਰੂ ਨੇ ਨਿਰਦੇਸ਼ ਦਿੱਤੇ ਕਿ ਭਾਰਤੀ ਕਪਾਹ ਨਿਗਮ ਨੂੰ ਕਪਾਅ ਖਰੀਦ ਪ੍ਰਕ੍ਰਿਆ ਵਿਚ ਹਰ ਸੰਭਵ ਸਹਿਯੋਗ ਪ੍ਰਦਾਨ ਕੀਤਾ ਜਾਵੇ। ਭਾਰਤੀ ਕਪਾਹ ਨਿਗਮ ਅਤੇ ਹਰਿਆਣਾ ਸਰਕਾਰ ਵੱਲੋਂ ਖਰੀਦ ਲਈ ਸਾਰੀ ਤਰ੍ਹਾਂ ਦੀਆਂ ਤਿਆਰੀਆਂ ਕਰ ਲਈਆਂ ਗਈਆਂ ਹਨ, ਜਿਸ ਨਾਲ ਕਿਸਾਨਾਂ ਦੀ ਫਸਲ ਖਰੀਦ ਵਿਚ ਕਿਸੇ ਤਰ੍ਹਾ ਦੀ ਮੁਸ਼ਕਲ ਨਹੀਂ ਆਵੇਗੀ।
ਕਪਾਹ ਖਰੀਦ ਲਈ ਖੋਲੇ ਗਈਆਂ 20 ਮੰਡੀਆਂ/ਖਰੀਦ ਕੇਂਦਰ
ਮੀਟਿੰਗ ਵਿਚ ਦੱਸਿਆ ਗਿਆ ਕਿ ਹਰਿਆਣਾ ਵਿਚ ਕਪਾਹ ਦੀ 2 ਕਿਸਮਾਂ ਨਾਂਅ: ਮੀਡੀਅਮ ਲੋਂਗ ਸਟੇਪਲ 26.5-27.0 ਅਤੇ ਲੋਂਗ ਸਟੇਪਲ 27.5-28.5, ਜਿਨ੍ਹਾਂ ਦੀ ਖਰੀਦ ਕੀਤੀ ਜਾਣੀ ਹੈ। ਕਪਾਹ ਖਰੀਦ ਲਈ ਪੂਰੇ ਸੂਬੇ ਵਿਚ 20 ਮੰਡੀਆਂ/ਖਰੀਦ ਕੇਂਦਰ ਬਣਾਏ ਗਏ ਹਨ। ਜਿਲ੍ਹਾ ਭਿਵਾਨੀ ਵਿਚ ਸਿਯਾਨੀ, ਡਿਗਾਵਾ ਤੇ ਭਿਵਾਨੀ, ਜਿਲ੍ਹਾ ਚਰਖੀ ਦਾਦਰੀ ਵਿਚ ਚਰਖੀ ਦਾਦਰੀ, ਜਿਲ੍ਹਾ ਫਤਿਹਾਬਾਦ ਵਿਚ ਭਾਟੂ, ਭੁਨਾ ਤੇ ਫਤਿਹਾਬਾਦ, ਜਿਲ੍ਹਾ ਹਿਸਾਰ ਵਿਚ ਆਦਮਪੁਰ, ਬਰਵਾਲਾ, ਹਾਂਸੀ, ਹਿਸਾਰ ਤੇ ਉਕਲਾਨਾ, ਜਿਲ੍ਹਾ ਜੀਂਦ ਵਿਚ ਉਚਾਨਾ, ਜਿਲ੍ਹਾ ਕੈਥਲ ਵਿਚ ਕਲਾਇਤ, ਜਿਲ੍ਹਾ ਮਹੇਂਦਰਗੜ੍ਹ ਵਿਚ ਨਾਰਨੌਲ, ਜਿਲ੍ਹਾ ਰੋਹਤਕ ਵਿਚ ਮਹਿਮ ਅਤੇ ਜਿਲ੍ਹਾ ਸਿਰਸਾ ਵਿਚ ਏਲਨਾਬਾਦ, ਕਾਲਾਂਵਾਲੀ ਤੇ ਸਿਰਸਾ ਵਿਚ ਖਰੀਦ ਕੇਂਦਰ ਖੋਲੇ ਗਏ ਹਨ।
ਹੋਰ ਫਸਲਾਂ ਲਈ ਵੀ ਨਾਮਜਦ ਕੀਤੀ ਗਈ ਖਰੀਦ ਏਜੰਸੀਆਂ
ਮੀਟਿੰਗ ‘ਚ ਹਰਿਆਣਾ ਸਰਕਾਰ ਵੱਲੋਂ ਕੀਤੇ ਗਏ ਸਾਰੀ ਫਸਲਾਂ ਦੀ ਖਰੀਦ ਐਮਐਸਪੀ ‘ਤੇ ਕਰਨ ਦੇ ਫੈਸਲੇ ਅਨੁਸਾਰ ਹੋਰ ਫਸਲਾਂ ਦੀ ਖਰੀਦ ਲਈ ਵੀ ਏਜੰਸੀਆਂ ਨਾਮਜਦ ਕੀਤੀਆਂ ਗਈਆਂ। ਮੀਟਿੰਗ ਵਿਚ ਫੈਸਲਾ ਕੀਤਾ ਗਿਆ ਕਿ ਸੋਇਆਬੀਨ, ਮੱਕੀ ਅਤੇ ਜਵਾਰ ਦੀ ਸੌ-ਫੀਸਦੀ ਖਰੀਦ ਹੈਫੇਡ ਵੱਲੋਂ ਕੀਤੀ ਜਾਵੇਗੀ। ਇਸ ਤੋਂ ਇਲਾਵਾ, ਹੋਰ ਫਸਲਾਂ ਦੀ ਖਰੀਦ ਹੈਫੇਡ ਤੇ ਹੋਰ ਖਰੀਦ ਏਜੰਸੀਆਂ ਰਾਹੀਂ 60:40 ਦੇ ਅਨੁਪਤਾ ਵਿਚ ਕੀਤੀ ਜਾਵੇਗੀ।
ਮੀਟਿੰਗ ਵਿਚ ਖੇਤੀਬਾੜੀ ਵਿਭਾਗ ਦੇ ਨਿਦੇਸ਼ਕ ਰਾਜਨਰਾਇਣ ਕੌਸ਼ਿਕ, ਖੁਰਾਕ, ਸਿਵਲ ਸਪਲਾਈ ਅਤੇ ਖਪਤਕਾਰ ਮਾਮਲੇ ਵਿਭਾਗ ਦੇ ਨਿਦੇਸ਼ਕ ਮੁਕੁਲ ਕੁਮਾਰ ਸਮੇਤ ਹੋਰ ਅਧਿਕਾਰੀ ਮੌਜੂਦ ਰਹੇ। ਭਾਰਤੀ ਕਪਾਅ ਨਿਗਮ ਦੇ ਅਧਿਕਾਰੀਆਂ ਨੇ ਵੀਡੀਓ ਕਾਨਫ੍ਰੈਂਸਿੰਗ ਰਾਹੀਂ ਮੀਟਿੰਗ ਵਿਚ ਹਿੱਸਾ ਲਿਆ।
