Accident : ਨਾਭਾ-ਮਲੇਰਕੋਟਲਾ ਰੋਡ ‘ਤੇ ਵਾਪਰਿਆ ਭਿਆਨਕ ਸ਼ੜਕ ਹਾਦਸਾ – ਇੱਕ ਦੀ ਮੌਤ
ਉੱਘੇ ਸਮਾਜਸੇਵੀ ਤੇ ਦਵਾਈਆਂ ਦੇ ਕਾਰੋਬਾਰੀ ਅਰਵਿੰਦ ਪਠਾਨੀਆ ਨੇ ਕੀਤਾ ਗਹਿਰੇ ਦੁੱਖ ਦਾ ਪ੍ਰਗਟਾਵਾ
ਅਮਰਗੜ੍ਹ, 21ਅਗਸਤ (ਵਿਸ਼ਵ ਵਾਰਤਾ)Accident : ਨਾਭਾ ਮਲੇਰਕੋਟਲਾ ਰੋਡ ‘ਤੇ ਵਾਪਰੇ ਇਕ ਭਿਆਨਕ ਸੜਕ ਹਾਦਸੇ ‘ਚ ਪਤੀ ਜ਼ਖਮੀ ਹੋ ਗਿਆ ਹੈ ਜਦਕਿ ਪਤਨੀ ਦੀ ਮੌਤ ਹੋ ਗਈ ਹੈ। ਇਹ ਹਾਦਸਾ ਉਸ ਵੇਲੇ ਵਾਪਰਿਆ ਜਦੋ ਸੱਤ ਪ੍ਰਕਾਸ਼ ਦੁੱਗਲ ਆਪਣੀ ਪਤਨੀ ਨਾਲ ਘਰ ਜਾਣ ਲਈ ਸੜਕ ਦੇ ਕਿਨਾਰੇ ਖੜਾ ਸੀ। ਨਾਭਾ ਵਲੋਂ ਆਉਂਦੀ ਇਕ ਬੇਕਾਬੂ ਕਾਰ ਨੇ ਪਤੀ ਪਤਨੀ ਨੂੰ ਜਬਰਦਸਤ ਟੱਕਰ ਮਾਰੀ। ਇਸ ਹਾਦਸੇ ਕਾਰਨ ਪਤਨੀ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਜਦਕਿ ਪਤੀ ਦੀ ਜਾਨ ਬਚ ਗਈ ਹੈ। ਮੌਕੇ ‘ਤੇ ਪਹੁੰਚੀ ਪੁਲਿਸ ਨੇ ਮ੍ਰਿਤਕਾ ਦੇ ਪਤੀ ਸੱਤ ਪ੍ਰਕਾਸ਼ ਦੁੱਗਲ ਦੇ ਬਿਆਨਾਂ ਦੇ ਅਧਾਰ ‘ਤੇ ਪਵਨਦੀਪ ਸਿੰਘ ਪੁੱਤਰ ਸੁਖਵਿੰਦਰ ਸਿੰਘ ਵਾਸੀ ਬਘੇਲ ਸਿੰਘ ਵਾਲਾ ਨੂੰ ਮੌਕੇ ਤੋਂ ਗ੍ਰਿਫਤਾਰ ਕਰਕੇ ਧਾਰਾ 106 ਦੇ ਅਧੀਨ ਮਾਮਲਾ ਦਰਜ ਕਰ ਲਿਆ ਹੈ। ਪੋਸਟਮਾਰਟਮ ਤੋਂ ਬਾਅਦ ਮ੍ਰਿਤਿਕਾ ਦੀ ਲਾਸ਼ ਨੂੰ ਪਰਿਵਾਰ ਨੂੰ ਸੌੰਪ ਦਿੱਤਾ ਗਿਆ ਹੈ। ਅਚਾਨਕ ਹੋਈ ਇਸ ਦੁਖਦਾਇਕ ਮੌਤ ਕਾਰਨ ਮ੍ਰਿਤਿਕਾ ਦੇ ਪਰਿਵਾਰ ਅਤੇ ਰਿਸ਼ਤੇਦਾਰਾਂ ‘ਚ ਸੋਗ ਦੀ ਲਹਿਰ ਦੌੜ ਗਈ ਹੈ। ਉੱਘੇ ਦਵਾਈਆਂ ਦੇ ਕਾਰੋਬਾਰੀ ਅਰਵਿੰਦ ਪਠਾਨੀਆਂ ਨੇ ਇਸ ਦੁੱਖ ਦੀ ਘੜੀ ‘ਚ ਪਰਿਵਾਰ ਨਾਲ ਗਹਿਰੀ ਸੰਵੇਦਨਾ ਦਾ ਪ੍ਰਗਟਾਵਾ ਕੀਤਾ ਹੈ।
