Jalandhar West Bypoll Result : ਆਮ ਆਦਮੀ ਪਾਰਟੀ ਦੀ ਇਕਤਰਫਾ ਜਿੱਤ
ਭਗਵੰਤ ਮਾਨ ਦੀ ਮਿਹਨਤ ਰੰਗ ਲਿਆਈ
ਜਲੰਧਰ ਦੀ ਸੀਟ ਜਿੱਤ ਕੇ ਵਿਰੋਧੀਆਂ ਦੀ ਪਿੱਠ ਲਵਾਈ
ਜਿੱਤ ਤੋਂ ਬਾਅਦ ‘ਆਪ’ ਦੇ ਸੀਨੀਅਰ ਆਗੂ ਸੰਜੇ ਸਿੰਘ ਨੇ ਸ਼ੀਤਲ ਅੰਗੁਰਾਲ ਅਤੇ ਸੁਸ਼ੀਲ ਕੁਮਾਰ ਰਿੰਕੂ ਤੇ ਕਸਿਆ ਤੰਜ
ਚੰਡੀਗੜ੍ਹ, 13ਜੁਲਾਈ(ਵਿਸ਼ਵ ਵਾਰਤਾ)Jalandhar West Bypoll Result-ਜਲੰਧਰ ਪੱਛਮੀ ਵਿਧਾਨ ਸਭਾ ਸੀਟ ‘ਤੇ ਆਮ ਆਦਮੀ ਪਾਰਟੀ ਨੇ ਜਿੱਤ ਹਾਸਲ ਕੀਤੀ ਹੈ। ਭਾਜਪਾ ਦੂਜੇ ਅਤੇ ਕਾਂਗਰਸ ਤੀਜੇ ਸਥਾਨ ‘ਤੇ ਰਹੀ। ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਮਹਿੰਦਰ ਭਗਤ ਨੇ ਪੰਜਾਬ ਦੀ ਜਲੰਧਰ (ਪੱਛਮੀ) ਸੀਟ ਜਿੱਤ ਲਈ ਹੈ। [ਮਹਿੰਦਰ ਭਗਤ 37325 ਵੋਟਾਂ ਨਾਲ ਜਿੱਤੇ।] ਮਹਿੰਦਰ ਭਗਤ, ਜੋ ਭਾਜਪਾ ਛੱਡ ਕੇ ਅਪ੍ਰੈਲ 2023 ਵਿੱਚ ‘ਆਪ’ ਵਿੱਚ ਸ਼ਾਮਲ ਹੋਏ ਸਨ, ਭਾਜਪਾ ਦੇ ਇਸ ਵਿਧਾਨ ਸਭਾ ਹਲਕੇ ਤੋਂ ਤਿੰਨ ਵਾਰ ਵਿਧਾਇਕ ਰਹੇ ਅਤੇ 2007-2017 ਤੱਕ ਕੈਬਨਿਟ ਮੰਤਰੀ ਵਜੋਂ ਸੇਵਾ ਨਿਭਾ ਚੁੱਕੇ ਹਨ। ਪੰਜਾਬ ਦੇ ਇਕਲੌਤੇ ਵਿਧਾਨ ਸਭਾ ਹਲਕੇ ਲਈ ਵੋਟਾਂ ਦੀ ਗਿਣਤੀ 15 ਉਮੀਦਵਾਰਾਂ ਨਾਲ ਸ਼ੁਰੂ ਹੋਈ। ਬੁੱਧਵਾਰ ਨੂੰ ਪੋਲਿੰਗ ਹੋਈ ਅਤੇ 54.98 ਫੀਸਦੀ ਮਤਦਾਨ ਹੋਇਆ। ਜਲੰਧਰ ਪੱਛਮੀ (ਰਾਖਵਾਂ) ਵਿਧਾਨ ਸਭਾ ਹਲਕਾ, ਜੋ ਕਿ ਦੁਆਬਾ ਖੇਤਰ ਵਿੱਚ ਦਲਿਤਾਂ ਦਾ ਧੁਰਾ ਹੈ, ਵਿੱਚ ਆਮ ਆਦਮੀ ਪਾਰਟੀ, ਕਾਂਗਰਸ ਅਤੇ ਭਾਜਪਾ ਵਰਗੀਆਂ ਪ੍ਰਮੁੱਖ ਸਿਆਸੀ ਪਾਰਟੀਆਂ ਦਰਮਿਆਨ ਬਹੁ-ਪੱਖੀ ਮੁਕਾਬਲਾ ਦੇਖਣ ਨੂੰ ਮਿਲਿਆ।
ਜਿੱਤ ਤੋਂ ਬਾਅਦ ਆਮ ਆਦਮੀ ਪਾਰਟੀ ਦੇ ਰਾਜ ਸਭਾ ਮੈਂਬਰ ਸੰਜੈ ਸਿੰਘ ਨੇ ਆਪਣੇ ਐਕਸ ਅਕਾਊਂਟ ‘ਤੇ ਪੋਸਟ ਕਰਦਿਆਂ ਲਿਖਿਆ ਕਿ…”ਇਨ੍ਹਾਂ ਦੋ ਭਰਾਵਾਂ ਤੋਂ ਸਾਨੂੰ ਕੀ ਸਿੱਖਿਆ ਮਿਲਦੀ ਹੈ? ਜਿਸਨੇ ‘ਆਪ’ ਨੂੰ ਧੋਖਾ ਦਿੱਤਾ ਉਸਦੀ ਸਿਆਸਤ ਖ਼ਤਮ ਹੋ ਗਈ ਹੈ। ਯਾਦ ਕਰੋ ਜੋ ‘ਆਪ’ ਤੋਂ ਭਾਜਪਾ ‘ਚ ਗਏ ਉਸਦਾ ਕੀ ਹਾਲ ਹੋਇਆ।
ਇਕ ਰਿੰਕੂ ਹੈ, ਜੋ ‘ਆਪ’ ਦਾ ਸੰਸਦ ਮੈਂਬਰ ਸੀ।
ਦੂਸਰਾ ਸ਼ੀਤਲ ਹੈ, ਜੋ ‘ਆਪ’ ਦਾ ਵਿਧਾਇਕ ਸੀ।
ਦੋਵਾਂ ਨੇ ਭਾਜਪਾ ਵਿਚ ਸ਼ਾਮਲ ਹੋ ਕੇ ਪਾਰਟੀ ਅਤੇ ਆਗੂਆਂ ਨੂੰ ਗਾਲ੍ਹਾਂ ਕੱਢੀਆਂ ਸਨ। ਦੋਵੇਂ ਚੋਣਾਂ ਹਾਰ ਗਏ।”
https://x.com/SanjayAzadSln/status/1811988046889549993
Jalandhar West by poll result (Total 94609 votes poll)
Mohinder Bhagat (AAP)-55246 (won by 37325 votes)
Sheetal Angural (BJP)-17921
Surinder Kaur (Congress)-16757
Surjit Kaur (Akali Dal)-1242
Binder Lakha (BSP)-734
