Mohali News : ਨਗਰ ਕੌਂਸਲ ਖਰੜ ਵੱਲੋਂ ਗੁਰੂ ਰਵਿਦਾਸ ਭਵਨ ਦੇ ਰਸਤੇ ਤੋਂ ਹਟਵਾਏ ਗਏ ਨਜਾਇਜ਼ ਕਬਜੇ
ਚੰਡੀਗੜ੍ਹ, 5ਜੁਲਾਈ (ਸਤੀਸ਼ ਕੁਮਾਰ ਪੱਪੀ)Mohali News :ਅੱਜ ਨਗਰ ਕੌਂਸਲ ਖਰੜ ਵੱਲੋਂ ਵੱਡੀ ਕਾਰਵਾਈ ਕਰਦਿਆਂ ਗੁਰੂ ਰਵਿਦਾਸ ਭਵਨ ਦੇ ਰਸਤੇ ਤੋਂ ਨਜਾਇਜ਼ ਕਬਜੇ ਹਟਾਏ ਗਏ। ਸ੍ਰੀ ਗੁਰੂ ਰਵਿਦਾਸ ਦੇ ਨਾਂ ਤੇ ਬਣੇ ਹੋਏ ਭਵਨ ( ਖਾਨਪੁਰ ਖਰੜ)ਵਿਖੇ ਜਾਂਦੇ ਰਸਤੇ ਤੇ ਸ਼ਰਾਰਤੀ ਲੋਕਾਂ ਵਲੋਂ ਪਿਛਲੇ ਕਾਫੀ ਸਾਲਾਂ ਤੋਂ ਨਜਾਇਜ਼ ਕਬਜੇ ਕੀਤੇ ਹੋਏ ਸਨ। ਜਿਸ ਕਾਰਨ ਪਿਛਲੇ ਕਾਫੀ ਸਮੇਂ ਤੋ ਸ਼ਹਿਰ ਵਾਸੀ ਅਤੇ ਰਵਿਦਾਸ ਭਾਈ ਚਾਰੇ ਦੇ ਲੋਕਾਂ ਵਲੋਂ ਇਸ ਗੰਭੀਰ ਮਸਲੇ ਸਬੰਧੀ ਸਰਕਾਰੇ ਦਰਬਾਰੇ ਪਹੁੰਚ ਕੀਤੀ ਪਰ ਕਾਰਵਾਈ ਨਹੀਂ ਹੋਈ।
ਪਿਛਲੇ ਦਿਨੀਂ ਇਕ ਵਫਦ ਨੇ ਇਸ ਮਸਲੇ ਸਬੰਧੀ ਹਲਕੇ ਦੀ MLA ਅਤੇ ਕੈਬਨਿਟ ਮੰਤਰੀ ਅਨਮੋਲ ਗਗਨ ਮਾਨ ਨੂੰ ਮਿਲਿਆ। ਜਿਸ ਤੋਂ ਬਾਅਦ ਮੰਤਰੀ ਨੇ ਤੁਰੰਤ ਕਾਰਵਾਈ ਕਰਨ ਲਈ ਉੱਚ ਅਧਿਕਾਰੀਆਂ ਨੂੰ ਕਿਹਾ। ਅੱਜ ਡਿਪਟੀ ਕਮਿਸ਼ਨਰ ਮੁਹਾਲੀ ਆਸ਼ਿਕਾ ਜੈਨ ਦੀ ਅਗਵਾਈ ਹੇਠ ssp ਮੁਹਾਲੀ ਸੰਦੀਪ ਗਰਗ, SDM ਖਰੜ ਗੁਰਮੰਦਰ ਸਿੰਘ, DSP ਖਰੜ ਕਰਨ ਸੰਧੂ ਅਤੇ E O ਮਿਊਂਸੀਪਲ ਕਮੇਟੀ ਖਰੜ ਮਨਵੀਰ ਸਿੰਘ ਗਿੱਲ ਨੇ ਆਪਣੀ ਪੂਰੀ ਟੀਮ ਨਾਲ ਭਗਤ ਰਵਿਦਾਸ ਦੇ ਭਵਨ ਨੂੰ ਜਾਂਦੇ ਰਸਤੇ ਨੂੰ ਖ਼ਾਲੀ ਕਰਵਾ ਦਿੱਤਾ।
