🏑ਹਾਕੀ ਵਿਸ਼ਵ ਕੱਪ 2023 🏑- ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਮੈਚ ਡਰਾਅ

ਹਾਕੀ ਵਿਸ਼ਵ ਕੱਪ 2023

ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਮੈਚ ਡਰਾਅ

ਚੰਡੀਗੜ੍ਹ 15 ਜਨਵਰੀ(ਵਿਸ਼ਵ ਵਾਰਤਾ)- ਹਾਕੀ ਵਿਸ਼ਵ ਕੱਪ 2023 ਵਿੱਚ ਭਾਰਤ  ਦਾ ਇੰਗਲੈਂਡ  ਖਿਲਾਫ  ਦੂਜਾ ਮੈਚ 0-0 ਨਾਲ ਡਰਾਅ ਰਿਹਾ। ਇੰਗਲੈਂਡ ਨੂੰ 60ਵੇਂ ਮਿੰਟ ਵਿੱਚ ਪੈਨਲਟੀ ਕਾਰਨਰ ਮਿਲਿਆ। ਪਰ, ਉਹ ਇਸ ‘ਤੇ ਗੋਲ ਨਹੀਂ ਕਰ ਸਕੇ। ਸ਼ੁਰੂਆਤੀ ਹਾਫ ‘ਚ ਦੋਵਾਂ ਟੀਮਾਂ ਨੇ ਹਮਲਾਵਰ ਖੇਡ ਦਾ ਪ੍ਰਦਰਸ਼ਨ ਕੀਤਾ। ਮੈਚ ਵਿੱਚ ਇੰਗਲੈਂਡ ਨੂੰ 8 ਕਾਰਨਰ ਮਿਲੇ ਅਤੇ ਭਾਰਤ ਨੂੰ 4 ਕਾਰਨਰ ਮਿਲੇ। ਪਰ ਦੋਵੇਂ ਟੀਮਾਂ ਗੋਲ ਨਹੀਂ ਕਰ ਸਕੀਆਂ।
ਪਹਿਲੇ 3 ਕੁਆਰਟਰ ਗੋਲ ਰਹਿਤ ਰਹਿਣ ਤੋਂ ਬਾਅਦ ਇਸ ਕੁਆਰਟਰ ਵਿੱਚ ਦੋਵੇਂ ਟੀਮਾਂ ਨੇ ਰੱਖਿਆਤਮਕ ਖੇਡ ਦਾ ਪ੍ਰਦਰਸ਼ਨ ਜਾਰੀ ਰੱਖਿਆ। ਅਮਿਤ ਰੋਹੀਦਾਸ ਨੂੰ 51ਵੇਂ ਮਿੰਟ ਅਤੇ ਜਰਮਨਪ੍ਰੀਤ ਸਿੰਘ ਨੂੰ 56ਵੇਂ ਮਿੰਟ ਵਿੱਚ ਗਰੀਨ ਕਾਰਡ ਮਿਲਿਆ। ਦੋਵਾਂ ਨੂੰ 2-2 ਮਿੰਟ ਬਾਹਰ ਬੈਠਣਾ ਪਿਆ।