ਭਾਰਤ ਬੰਦ ਦੌਰਾਨ ਫਿਰੋਜ਼ਪੁਰ ‘ਚ ਵਾਪਰੀਆਂ ਭੰਨ-ਤੋੜ ਦੀਆਂ ਘਟਨਾਵਾਂ

ਚੰਡੀਗੜ੍ਹ/ਫਿਰੋਜ਼ਪੁਰ, 10 ਅਪ੍ਰੈਲ – ਦਲਿਤ ਸੰਗਠਨਾਂ ਤੋਂ ਬਾਅਦ ਅੱਜ ਜਨਰਲ ਅਤੇ ਓ.ਬੀ.ਸੀ ਸੰਗਠਨਾਂ ਵਲੋਂ ਦਿੱਤੇ ਗਏ ਭਾਰਤ ਬੰਦ ਦੌਰਾਨ ਕਈ ਖੇਤਰਾਂ ਵਿਚ ਹਿੰਸਕ ਘਟਨਾਵਾਂ ਵਾਪਰੀਆਂ| ਪੰਜਾਬ ਦੇ ਮਾਲਵਾ ਵਿਚ ਜਿੱਥੇ ਬੰਦ ਨੂੰ ਮਿਲਿਆ-ਜੁਲਿਆ ਹੁੰਗਾਰਾ ਮਿਲਿਆ, ਉਥੇ ਫਿਰੋਜ਼ਪੁਰ ਵਿਖੇ ਭੰਨ-ਤੋੜ ਦੀਆਂ ਘਟਨਾਵਾਂ ਵਾਪਰੀਆਂ| ਇੱਥੇ ਕੁਝ ਲੋਕਾਂ ਨੇ ਬਾਜ਼ਾਰਾਂ ਵਿਚ ਦੋ ਪਹੀਆ ਵਾਹਨਾਂ ਦੀ ਭੰਨ-ਤੋੜ ਕੀਤੀ|
ਇੱਥੇ ਕੁਝ ਲੋਕਾਂ ਨੇ ਤਲਵਾਰਾਂ ਵੀ ਲਹਿਰਾਇਆਂ ਅਤੇ ਜਬਰਦਸਤੀ ਦੁਕਾਨਾਂ ਬੰਦ ਕਰਾਉਣ ਦੀ ਕੋਸ਼ਿਸ਼ ਵੀ ਕੀਤੀ ਗਈ| ਹਾਲਾਂਕਿ ਪੁਲਿਸ ਨੇ ਹਿੰਸਾ ਫੈਲਾਉਣ ਵਾਲੇ ਲੋਕਾਂ ਨੂੰ ਖਦੇੜ ਦਿੱਤਾ|
ਦੂਸਰੇ ਪਾਸੇ ਜਲੰਧਰ, ਲੁਧਿਆਣਾ, ਪਟਿਆਲਾ ਸਮੇਤ ਕਈ ਸ਼ਹਿਰਾਂ ਵਿਚ ਇਸ ਬੰਦ ਦਾ ਮਿਲਿਆ ਜੁਲਿਆ ਅਸਰ ਦੇਖਣ ਨੂੰ ਮਿਲ ਰਿਹਾ ਹੈ| ਕਈ ਥਾਈਂ ਅੱਜ ਸਕੂਲਾਂ ਨੂੰ ਛੁੱਟੀ ਵੀ ਕੀਤੀ ਗਈ| ਇਸ ਤੋਂ ਇਲਾਵਾ ਸਰਕਾਰੀ ਅਦਾਰੇ ਆਮ ਵਾਂਗ ਖੁੱਲ੍ਹੇ ਰਹੇ|