ਭਾਜਪਾ,ਪੰਜਾਬ ਲੋਕ ਕਾਂਗਰਸ ਦੇ ਦਫਤਰ ਉਦਘਾਟਨ ਤੇ ਕਰਵਾਇਆ ਸੁੰਦਰ ਕਾਂਡ ਦਾ ਪਾਠ
ਸੂਬੇਦਾਰ ਭੋਲਾ ਸਿੰਘ ਨੂੰ ਮਿਲ ਰਿਹਾ ਵੋਟਰਾਂ ਦਾ ਭਰਵਾ ਹੁੰਗਾਰਾ
ਬੁਢਲਾਡਾ, 2 ਫਰਵਰੀ (ਵਿਸ਼ਵ ਵਾਰਤਾ) ਅੱਜ਼ ਹਲਕੇ ਦੇ ਭਾਜਪਾ, ਪੰਜਾਬ ਲੋਕ ਕਾਂਗਰਸ ਅਤੇ ਸ਼੍ਰੋਮਣੀ ਅਕਾਲੀ ਦਲ ਸੰਯੁਕਤ ਦੇ ਸਾਂਝੇ ਉਮੀਦਵਾਰ ਸੂਬੇਦਾਰ ਭੋਲਾ ਸਿੰਘ ਹਸਨਪੁਰ ਦੇ ਦਫਤਰ ਦਾ ਉਦਘਾਟਨ ਤੇ ਸ਼੍ਰੀ ਰਾਮਾਇਣ ਜੀ ਦੇ ਸੁੰਦਰ ਕਾਂਡ ਦਾ ਪਾਠ ਕਰਵਾਇਆ ਗਿਆ। ਇਸ ਮੌਕੇ ਬਾਜਾਰ ਵਿੱਚੋਂ ਵੱਖ—ਵੱਖ ਪਿੰਡਾਂ ਅਤੇ ਸ਼ਹਿਰਾਂ ਤੋਂ ਪਹੁੰਚੇ ਸਮਰਥਕਾਂ ਨਾਲ ਬਾਜਾਰ ਵਿਚੋ ਸ਼ਕਤੀ ਮਾਰਚ ਵੀ ਕੱਢਿਆ ਗਿਆ। ਇਸ ਮੌਕੇ ਪੰਜਾਬ ਲੋਕ ਕਾਂਗਰਸ ਜਿਲ੍ਹਾ ਪ੍ਰਧਾਨ ਜੀਵਨ ਸਿੰਘ ਦਾਸ ਬਾਵਾ ਅਤੇ ਭਾਜਪਾ ਮੰਡਲ ਪ੍ਰਧਾਨ ਸੁਖਦਰਸ਼ਨ ਸ਼ਰਮਾਂ ਲੀਲਾ ਨੇ ਕਿਹਾ ਕਿ ਸੂਬੇਦਾਰ ਭੋਲਾ ਸਿੰਘ 30 ਸਾਲ ਫੌਜ ਵਿੱਚ ਆਪਣੀਆਂ ਸੇਵਾਵਾਂ ਦੇ ਚੁੱਕੇ ਹਨ ਇਹ ਪਿੰਡ ਹਸਨਪੁਰ ਤੋਂ ਸਰਪੰਚ ਵੀ ਹਨ ਅਤੇ ਪੰਚਾਇਤ ਐਸੋਸੀਏਸ਼ਨ ਦੇ ਪ੍ਰਧਾਨ ਵੀ ਹਨ। ਇਹ ਨੇਕ ਦਿਲ, ਸੁਲਝੇ ਹੋਏ ਅਤੇ ਪੜ੍ਹੇ ਲਿਖੇ ਵਿਅਕਤੀ ਹੈ ਜੋ ਵਿਅਕਤੀ ਇਨ੍ਹਾਂ ਨੂੰ ਮਿਲ ਕੇ ਇਨ੍ਹਾਂ ਦੇ ਵਿਚਾਰਾਂ ਨੂੰ ਸੁਣਦਾ ਹੈ ਤਾਂ ਉਨ੍ਹਾਂ ਦੇ ਵਿਚਾਰਾਂ ਦੀ ਪ੍ਰਸ਼ੰਸ਼ਾ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਕੇਂਦਰ ਦੀ ਭਾਜਪਾ ਸਰਕਾਰ ਦੇ ਨਰਿੰਦਰ ਮੋਦੀ ਅਤੇ ਪੰਜਾਬ ਲੋਕ ਕਾਂਗਰਸ ਦੇ ਕੈਪਟਨ ਅਮਰਿੰਦਰ ਸਿੰਘ ਦੇ ਨਕਸ਼ੇ ਕਦਮਾਂ ਤੇ ਚਲਦਿਆਂ ਬੁਢਲਾਡਾ ਹਲਕੇ ਨੂੰ ਪੱਛੜੇਪਣ ਤੋਂ ਹਟਾਉਣਾ ਚਾਹੁੰਦੇ ਹਨ।
ਇਸ ਮੌਕੇ ਬੋਲਦਿਆਂ ਉਮੀਦਵਾਰ ਭੋਲਾ ਸਿੰਘ ਨੇ ਲੋਕਾਂ ਦਾ ਜੀ ਆਇਆ ਕਹਿੰਦੇ ਕਿਹਾ ਕਿ ਉਨ੍ਹਾਂ ਨੂੰ ਹਲਕੇ ਦੇ ਲੋਕਾਂ ਵੱਲੋਂ ਭਰਵਾ ਹੁੰਗਾਰਾ ਮਿਲ ਰਿਹਾ ਹੈ ਉਨ੍ਹਾਂ ਕਿਹਾ ਕਿ ਤੁਹਾਡੇ ਆਸ਼ੀਰਵਾਦ ਸਦਕਾ ਮੈਂ ਇਸ ਹਲਕੇ ਦੀ ਨੁਹਾਰ ਨੂੰ ਬਦਲ ਸਕਦਾ ਹਾਂ। ਮੇਰਾ ਸਭ ਤੋਂ ਪ੍ਰਮੁੱਖ ਮੁੱਦਾ ਬੇਰੁਜਗਾਰਾਂ ਲਈ ਰੁਜਗਾਰ ਪੈਦਾ ਕਰਨਾ ਹੈ, ਸਿਹਤ ਸਹੂਲਤਾਂ ਅਤੇ ਸਿੱਖਿਆ ਨੂੰ ਯਕੀਨੀ ਬਣਾਉਣਾ ਚਾਹੁੰਦਾ ਹਾਂ। ਉਨ੍ਹਾਂ ਕਿਹਾ ਕਿ ਨਸ਼ਾ ਖਤਮ ਕਰਨਾ ਮੇਰੇ ਇਕੱਲੇ ਨਾਲ ਖਤਮ ਨਹੀਂ ਹੋਣਾ ਇਸ ਲਈ ਹਰ ਵਿਅਕਤੀ ਨੂੰ ਲਾਹਮਵੰਦ ਹੋਣਾ ਪਵੇਗਾ। ਜੇਕਰ ਵਿਅਕਤੀ ਪੜੇ ਲਿਖੇ ਹੋਣਗੇ ਰੁਜਗਾਰ ਹੋਵੇਗਾ ਤਾਂ ਵਿਅਕਤੀ ਨਸ਼ੇ ਦੀ ਲੱਤ ਵੱਲ ਨਹੀਂ ਜਾਵੇਗਾ। ਜੇਕਰ ਰੁਜਗਾਰ ਦੇ ਸਾਧਨ ਹੋਣਗੇ ਤਾਂ ਕੋਈ ਮਾਪੇ ਆਪਣੇ ਪੁੱਤਰਾਂ ਜਾਂ ਧੀਆਂ ਨੂੰ ਕਨੇਡਾ ਆਸ਼ਟ੍ਰੇਲੀਆਂ ਵੱਲ ਧੱਕ ਕੇ ਵਛੋੜਾ ਨਹੀਂ ਪਾਵੇਗਾ। ਉਨ੍ਹਾਂ ਕੇਂਦਰ ਸਰਕਾਰ ਵੱਲੋਂ ਚਲਾਈਆਂ ਅਨੇਕਾਂ ਸਹੂਲਤਾਵਾਂ ਹਰ ਵਿਅਕਤੀ ਨੂੰ ਬੈਂਕ ਨਾਲ ਜੋੜਿਆ, ਹਰ ਲਾਭ ਸਿੱਧੇ ਖਾਤੇ ਵਿੱਚ ਪਾ ਕੇ ਲੁੱਟ ਨੂੰ ਰੋਕਿਆ, ਘਰ ਘਰ ਸਿਲੰਡਰ, ਆਵਾਸ ਯੋਜਨਾ, ਆਯੂਸ਼ਮਨ ਸਿਹਤ ਬੀਮਾ ਯੋਜਨਾ, ਕਿਸਾਨ ਨਿੱਧੀ ਯੋਜਨਾ ਅਧੀਨ ਕਿਸਾਨਾਂ ਦੇ ਖਾਤਿਆਂ ਵਿੱਚ ਸਿੱਧਾ ਮਦਦ ਰਾਸ਼ੀ ਪਾਉਣਾ, ਰਸੋਈ ਭੱਤਾ, ਲਾਭ ਪਾਤਰੀ, ਈਸ਼੍ਰਮ ਕਾਰਡ ਆਦਿ ਬਾਰੇ ਵੀ ਚਾਨਣਾ ਪਾਇਆ। ਇਸ ਮੌਕੇ ਹਲਕਾ ਇੰਚਾਰਜ ਯਸ਼ਪਾਲ ਗਰਗ, ਸਾਬਕਾ ਮੰਡਲ ਪ੍ਰਧਾਨ ਵਿਨੋਦ ਗਰਗ, ਸਟੇਟ ਕਮੇਟੀ ਆਗੂ ਰਾਕੇਸ਼ ਜੈਨ, ਦਿਲਜੀਤ ਸਿੰਘ ਦਰਸ਼ੀ, ਦਰਸ਼ਨ ਸਿੰਘ ਗੰਢੂ ਕਲਾਂ, ਜਸਬੀਰ ਸਿੰਘ ਮਲਕੋਂ, ਗੋਰਾ ਲਾਲ ਮਾਨਸਾ, ਹਰਦੀਪ ਸਿੰਘ ਰਿਉਂਦ ਕਲਾਂ, ਸੁਹਾਗ ਰਾਣੀ, ਸੁਰਿੰਦਰ ਕੌਰ ਰਿਉਂਦ ਕਲਾਂ, ਸ਼ਹਿਰੀ ਪ੍ਰਧਾਨ ਐਸ.ਸੀ. ਮੋਰਚਾ ਕੁਲਵੰਤ ਸਿੰਘ ਗਿੱਲ, ਪੁਨੀਤ ਸਿੰਗਲਾ, ਸੱਤਪਾਲ ਸਿੰਘ ਕਲੀਪੁਰ, ਹਰਮਿੰਦਰ ਸਿੰਘ ਹਸਨਪੁਰ, ਮੇਜਰ ਸਿੰਘ ਹਸਨਪੁਰ, ਨਿਰਮਲ ਸਿੰਘ ਨੰਬਰਦਾਰ, ਹਰੀਓਮ ਗੋਇਲ ਤੋਂ ਇਲਾਵਾ ਵਧੇਰੇ ਗਿਣਤੀ ਚ ਸਮਰਥਕ ਮੌਜੂਦ ਸਨ।
