ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਨਾਨਾਵਤੀ ਦਾ 86 ਸਾਲ ਦੀ ਉਮਰ ਵਿੱਚ ਦਿਹਾਂਤ
1984 ਅਤੇ ਗੁਜਰਾਤ ਹਿੰਸਾ ਦੇ ਜਾਂਚ ਕਮਿਸ਼ਨਾਂ ਦੀ ਕਰ ਚੁੱਕੇ ਹਨ ਅਗਵਾਈ
ਨਵੀਂ ਦਿੱਲੀ,19 ਦਸੰਬਰ(ਵਿਸ਼ਵ ਵਾਰਤਾ) 1984 ਦੇ ਸਿੱਖ ਵਿਰੋਧੀ ਦੰਗਿਆਂ ਅਤੇ 2002 ਦੇ ਗੋਧਰਾ ਦੰਗਿਆਂ ਤੋਂ ਬਾਅਦ ਦੇ ਜਾਂਚ ਕਮਿਸ਼ਨਾਂ ਦੀ ਅਗਵਾਈ ਕਰਨ ਵਾਲੇ ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਗਿਰੀਸ਼ ਠਾਕੁਰ ਲਾਲ ਨਾਨਾਵਤੀ ਦਾ ਸ਼ਨੀਵਾਰ ਨੂੰ ਦਿਲ ਦਾ ਦੌਰਾ ਪੈਣ ਕਾਰਨ ਦਿਹਾਂਤ ਹੋ ਗਿਆ।ਉਹ 86 ਸਾਲ ਦੇ ਸਨ। ਉਨ੍ਹਾਂ ਦੀ ਅਗਵਾਈ ਵਾਲੇ ਕਮਿਸ਼ਨ ਨੇ ਗੋਧਰਾ ਕਾਂਡ ਤੋਂ ਬਾਅਦ ਦੇ ਫਿਰਕੂ ਦੰਗਿਆਂ ਵਿੱਚ ਤਤਕਾਲੀ ਮੁੱਖ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਰਾਜ ਸਰਕਾਰ ਨੂੰ ਕਲੀਨ ਚਿੱਟ ਦੇ ਦਿੱਤੀ ਸੀ।
21 ਸਾਲਾਂ ਦੇ ਆਪਣੇ ਨਿਆਂਇਕ ਕਰੀਅਰ ਵਿੱਚ, ਜਸਟਿਸ ਨਾਨਾਵਤੀ ਨੇ ਉੜੀਸਾ ਅਤੇ ਕਰਨਾਟਕ ਦੀਆਂ ਉੱਚ ਅਦਾਲਤਾਂ ਦੀ ਅਗਵਾਈ ਕੀਤੀ। ਉਹ ਸਿਖਰਲੀ ਅਦਾਲਤ ਵਿੱਚ ਪੰਜ ਸਾਲ ਦੇ ਕਾਰਜਕਾਲ ਤੋਂ ਬਾਅਦ ਫਰਵਰੀ 2000 ਵਿੱਚ ਸੁਪਰੀਮ ਕੋਰਟ ਤੋਂ ਸੇਵਾਮੁਕਤ ਹੋਏ।
