ਸੈਂਚੂਰੀਅਨ, 15 ਫਰਵਰੀ : ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ 6 ਵਨਡੇ ਮੈਚਾਂ ਦੀ ਲੜੀ ਦਾ ਆਖਰੀ ਮੈਚ ਭਲਕੇ ਸੈਂਚੁਰੀਅਨ ਵਿਖੇ ਖੇਡਿਆ ਜਾਵੇਗਾ| ਇਹ ਮੈਚ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 4:30 ਵਜੇ ਸ਼ੁਰੂ ਹੋਵੇਗਾ|
ਲੜੀ ਵਿਚ 4-1 ਨਾਲ ਅੱਗੇ ਚੱਲ ਰਹੀ ਟੀਮ ਇੰਡੀਆ ਪਹਿਲਾਂ ਹੀ ਲੜੀ ਆਪਣੇ ਨਾਮ ਕਰ ਚੁੱਕੀ ਹੈ ਅਤੇ ਉਹ ਹੁਣ 5-1 ਨਾਲ ਇਸ ਲੜੀ ਨੂੰ ਆਪਣੇ ਨਾਮ ਕਰਨ ਦੇ ਇਰਾਦੇ ਨਾਲ ਮੈਦਾਨ ਉਤੇ ਉਤਰੇਗੀ| ਦੂਸਰੇ ਪਾਸੇ ਟੈਸਟ ਲੜੀ ਜਿੱਤਣ ਤੋਂ ਬਾਅਦ ਦੱ. ਅਫਰੀਕਾ ਦੀ ਟੀਮ ਦਾ ਵਨਡੇ ਲੜੀ ਵਿਚ ਪ੍ਰਦਰਸ਼ਨ ਬੇਹੱਦ ਮਾੜਾ ਰਿਹਾ ਹੈ| ਕੇਵਲ ਇੱਕ ਮੈਚ ਜਿੱਤਣ ਤੋਂ ਬਾਅਦ ਮੇਜ਼ਬਾਨ ਟੀਮ ਮੁੜ ਤੋਂ ਲੈਅ ਵਿਚ ਆਉਣ ਲਈ ਅੱਡੀ ਚੋਟੀ ਦਾ ਜੋਰ ਲਾ ਰਹੀ ਹੈ, ਫਿਰ ਚਾਹਲ ਅਤੇ ਕੁਲਦੀਪ ਦੀ ਫਿਰਕੀ ਅੱਗੇ ਉਹ ਬੇਵੱਸ ਨਜ਼ਰ ਆਈ ਹੈ|
ਨੰਬਰ ਇੱਕ ਉਤੇ ਪਹੁੰਚੀ ਟੀਮ ਇੰਡੀਆ
ਦੱਖਣੀ ਅਫਰੀਕਾ ਖਿਲਾਫ ਲੜੀ ਜਿੱਤ ਕੇ ਟੀਮ ਇੰਡੀਆ ਵਨਡੇ ਰੈਂਕਿੰਗ ਵਿਚ ਨੰਬਰ ਇੱਕ ਉਤੇ ਪਚੁੰਚ ਗਈ ਹੈ| ਲਿਹਾਜਾ ਉਹ ਆਖਰੀ ਵਨਡੇ ਮੈਚ ਜਿੱਤ ਕੇ ਆਪਣੀ ਰੈਂਕਿੰਗ ਨੂੰ ਹੋਰ ਮਜਬੂਤ ਕਰਨ ਦੇ ਇਰਾਦੇ ਨਾਲ ਮੈਦਾਨ ਉਤੇ ਉਤਰੇਗੀ|
ਵਿਰਾਟ ਕੋਹਲੀ ਦੀ ਕਪਤਾਨੀ ਦੀ ਪ੍ਰਸੰਸਾ
ਇਸ ਲੜੀ ਤੋਂ ਪਹਿਲਾਂ ਵਿਰਾਟ ਕੋਹਲੀ ਨੇ ਭਾਰਤੀ ਪਿੱਚਾਂ ਉਤੇ ਬਿਹਤਰੀਨ ਪ੍ਰਦਰਸਨ ਕੀਤਾ ਅਤੇ ਟੀਮ ਇੰਡੀਆ ਨੇ ਵੱਡੀਆਂ ਜਿੱਤਾਂ ਦਰਜ ਕੀਤੀਆਂ| ਹੁਣ ਵਿਦੇਸ਼ੀ ਪਿੱਚਾਂ ਉਤੇ ਵੀ ਵਿਰਾਟ ਨੇ ਦਿਖਾ ਦਿੱਤਾ ਹੈ ਕਿ ਉਹ ਨਾ ਕੇਵਲ ਇੱਕ ਬਿਹਤਰੀਨ ਬੱਲੇਬਾਜ ਹਨ, ਬਲਕਿ ਇੱਕ ਉਚ ਕੋਟੀ ਦੇ ਕਪਤਾਨ ਵੀ ਹਨ|