ਫੈਡਰੇਸ਼ਨ ਦੀ 77 ਵਰੇਗੰਢ ਮੌਕੇ 15 ਪੰਥਕ ਸੇਵਾਵਾਂ ਕਰਨ ਵਾਲੇ ਸਿੱਖ ਨੌਜ਼ਵਾਨਾਂ ਦਾ ਕੀਤਾ ਜਾਵੇਗਾ ਵਿਸੇਸ਼ ਸਨਮਾਨ -ਡਾ.ਮਨਜੀਤ ਸਿੰਘ ਭੋਮਾ
ਕਿਸਾਨ ਸੰਘਰਸ਼ ਸਫਲਤਾਪੂਰਵਕ ਜਿੱਤ ਦਰਜ ਕਰੇਗਾ -ਚੀਮਾ , ਮਜੀਠੀਆਂ , ਸੰਘਾ
ਅਮ੍ਰਿਤਸਰ 12ਸਤੰਬਰ(ਵਿਸ਼ਵ ਵਾਰਤਾ)-ਸ਼੍ਰੋਮਣੀ ਅਕਾਲੀ ਦਲ ਸੰਯੁਕਤ ਨਾਲ ਸਬੰਧਤ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਵੱਲੋ 13 ਸਤੰਬਰ ਨੂੰ ਆਪਣੀ 77 ਵਰੇਗੰਢ ਮੌਕੇ ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਕਿਸਾਨ ਸੰਘਰਸ਼ ਦੀ ਕਾਮਯਾਬੀ ਲਈ ਅਰਦਾਸ ਸਮਾਗਮ ਕੀਤਾ ਜਾਵੇਗਾ ਅਤੇ ਵਿੱਛੜ ਚੁੱਕੇ ਕਿਸਾਨਾਂ ਨੂੰ ਸਰਧਾਂਜਲੀ ਦਿੱਤੀ ਜਾਵੇਗੀ ਅਤੇ ਪੰਥਕ ਸਖਸੀਅਤਾਂ ਦਾ ਵਿਸੇਸ਼ ਸਨਮਾਨ ਕਰਾਂਗੇ । ਇਹ ਐਲਾਨ ਅੱਜ ਇਥੇ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਦੋਹਾ ਸਰਪ੍ਰਸਤਾ ਸ੍ਰ ਕਰਨੈਲ ਸਿੰਘ ਪੀਰ ਮੁਹੰਮਦ ਅਤੇ ਡਾਕਟਰ ਮਨਜੀਤ ਸਿੰਘ ਭੋਮਾ ਨੇ ਕਿਹਾ ਹੈ ਕਿ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਪ੍ਰਧਾਨ ਭਾਈ ਜਗਰੂਪ ਸਿੰਘ ਚੀਮਾ , ਕਾਰਜਕਾਰੀ ਪ੍ਰਧਾਨ ਸ ਕੁਲਦੀਪ ਸਿੰਘ ਮਜੀਠੀਆਂ ਅਤੇ ਸਿੱਖ ਫੈਡਰੇਸ਼ਨ (ਸੰਘਾ )ਦੇ ਪ੍ਰਧਾਨ ਭਾਈ ਕਸਮੀਰ ਸਿੰਘ ਸੰਘਾ ਦੀ ਦੇਖ ਰੇਖ ਹੇਠ ਸਾਝੇ ਰੂਪ ਵਿੱਚ ਫੈਡਰੇਸ਼ਨ ਦੇ ਪ੍ਰਮੁੱਖ ਨੁਮਾਇੰਦਿਆ ਨਾਲ ਵਿਚਾਰ ਵਟਾਂਦਰਾ ਕਰਨ ਤੋ ਬਾਅਦ ਫੈਡਰੇਸ਼ਨ ਦਾ ਸਥਾਪਨਾ ਦਿਵਸ 13 ਸਤੰਬਰ ਦਿਨ ਸੋਮਵਾਰ ਸ੍ਰੀ ਅਕਾਲ ਤਖਤ ਸਾਹਿਬ ਅੰਮ੍ਰਿਤਸਰ ਦੇ ਸਨਮੁੱਖ ਮਨਾਇਆ ਜਾ ਰਿਹਾ ਹੈ ।
ਉਹਨਾਂ ਕਿਹਾ ਕਿ ਸਿੱਖ ਕੌਮ ਦੇ ਹਰਿਆਵਲ ਦਸਤੇ ਦੀ ਸਥਾਪਨਾ ਦੇ 77ਵੇ ਵਰੇ ਮੌਕੇ ਦੇਸ਼ ਦੁਨੀਆ ਅੰਦਰ ਵੱਸਦੇ ਤਮਾਮ ਪੁਰਾਣੇ ਤੇ ਨਵੇ ਆਗੂਆਂ ਵਰਕਰਾਂ ਦੀਆ ਭਾਵਨਾਵਾਂ ਮੁਤਾਬਿਕ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਆਪਣੇ ਕਿਸਾਨ ਭਾਈਚਾਰੇ ਨਾਲ ਪੂਰੀ ਤਨਦੇਹੀ ਨਾਲ ਖੜੀ ਹੈ ਤੇ ਤਿੰਨ ਕਾਲੇ ਕਨੂੰਨ ਰੱਦ ਕਰਵਾਉਣ ਤੋ ਬਾਅਦ ਸੰਘਰਸ਼ ਜਿੱਤਣ ਤੱਕ ਖੜੀ ਰਹੇਗੀ । ਫੈਡਰੇਸ਼ਨ ਨੇਤਾਵਾ ਨੇ ਕਿਹਾ ਕਿ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਸਾਨਾਮੱਤੇ ਇਤਿਹਾਸ ਦੌਰਾਨ ਫੈਡਰੇਸ਼ਨ ਦੇ ਪਲੇਟਫਾਰਮ ਤੋ ਅਨੇਕਾ ਨੌਜਵਾਨਾਂ ਨੇ ਕੇਂਦਰੀ ਹਕੂਮਤ ਦੇ ਜੁਲਮ ਵਿਰੁੱਧ ਸਹਾਦਤਾ ਦਿੱਤੀਆ ਤੇ ਅਨੇਕਾਂ ਨੇ ਜੇਲਾ ਕੱਟੀਆ ਇਸੇ ਸਮੇ ਦੌਰਾਨ ਹੀ ਅਮਰ ਸ਼ਹੀਦ ਭਾਈ ਅਮਰੀਕ ਸਿੰਘ ਦੇ ਨਿੱਕਟਵਰਤੀ ਸਾਥੀ ਭਾਈ ਹਰਮਿੰਦਰ ਸਿੰਘ ਸੰਧੂ ਸਮੇਤ ਅਨੇਕਾ ਫੈਡਰੇਸ਼ਨ ਆਗੂ ਸਿੱਖ ਸੰਘਰਸ਼ ਅੰਦਰ ਵਿਚਾਰਧਾਰਕ ਵੱਖਰੇਵਿਆਂ ਕਰਕੇ ਕਤਲ ਕਰ ਦਿੱਤੇ ਗਏ । ਫੈਡਰੇਸ਼ਨ ਮਹਿਸੂਸ ਕਰਦੀ ਹੈ ਕਿ ਸਾਡੇ ਸਾਥੀ ਭਾਈ ਹਰਮਿੰਦਰ ਸਿੰਘ ਸੰਧੂ ਸ਼ਹੀਦ ਹੋਏ ਹਨ । ਉਹਨਾ ਵਾਂਗ ਹੀ ਭਾਈ ਸੁਖਵੰਤ ਸਿੰਘ ਅੱਕਾਂਵਾਲੀ, ਭਾਈ ਭੁਪਿੰਦਰ ਸਿੰਘ ਲੋਗੀਆ, ਭਾਈ ਚਮਕੌਰ ਸਿੰਘ ਰੋਡੇ, ਪ੍ਰਿਸੀਪਲ ਮਹਿੰਦਰ ਸਿੰਘ ਧਾਰੀਵਾਲ ,ਭਾਈ ਗੁਰਿੰਦਰ ਸਿੰਘ ਭੋਲਾ, ਭਾਈ ਸਰਬਜੀਤ ਸਿੰਘ ਰੋਪੜ , ਭਾਈ ਬਲਦੇਵ ਸਿੰਘ ਹੋਠੀਆ ,ਭਾਈ ਜਗਵਿੰਦਰ ਸਿੰਘ ਕਿਲਾ ਰਾਏਪੁਰ, ਭਾਈ ਪ੍ਰਿਥੀ ਸਿੰਘ ਬਠਿੰਡਾ ,ਭਾਈ ਸੁਖਰਾਜ ਸਿੰਘ ਰਟੌਲ, ਭਾਈ ਜਰਨੈਲ ਸਿੰਘ ਵਾਈਆ, ਭਾਈ ਹਰਦਿਆਲ ਸਿੰਘ ਹਰੀਕੇ , ਭਾਈ ਜਰਨੈਲ ਸਿੰਘ ਬੋਤੀਆਵਾਲਾਂ ਦੀਆ ਤਸਵੀਰਾਂ ਅਜਾਇਬ ਘਰ ਵਿੱਚ ਲਗਾਈਆ ਜਾਣ । ਫੈਡਰੇਸ਼ਨ 13 ਸਤੰਬਰ ਨੂੰ ਇਹਨਾਂ ਸਹੀਦ ਫੈਡਰੇਸ਼ਨ ਆਗੂਆ ਦੇ ਪ੍ਰੀਵਾਰਕ ਮੈਬਰਾ ਅਤੇ ਨੇੜਲੇ ਸਾਥੀਆ ਨੂੰ ਲੈਕੇ ਸ੍ਰੌਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੁੱਖ ਸਕੱਤਰ ਰਾਹੀ ਆਪਣੀ ਮੰਗ ਸ੍ਰੌਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਅਤੇ ਐਗਜੈਕਟਿਵ ਮੈਂਬਰਾ ਪਾਸ ਰੱਖੇਗੀ ਤੇ ਇਹਨਾਂ ਸਹੀਦ ਫੈਡਰੇਸ਼ਨ ਆਗੂਆ ਦੀਆ ਫੋਟੋਆ ਵੀ ਸ੍ਰੌਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੂੰ ਸੋਪੀਆ ਜਾਣਗੀਆ। ਸ੍ਰ ਮਨਜੀਤ ਸਿੰਘ ਭੌਮਾ ਅਤੇ ਸ੍ ਕਰਨੈਲ ਸਿੰਘ ਪੀਰ ਮੁਹੰਮਦ ਨੇ ਕਿਹਾ ਕਿ ਬੀਤੇ ਦਿਨੀ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਬਹੁਤ ਹੀ ਪੁਰਾਣੇ ਤੇ ਸੀਨੀਅਰ ਆਗੂ ਭਾਈ ਤੇਜਿੰਦਰਪਾਲ ਸਿੰਘ ਟਿੰਮਾ ਗੰਗਾਨਗਰ ਅਤੇ ਬਾਬਾ ਭਗਵਾਨ ਸਿੰਘ ਕਾਰ ਸੇਵਾ ਵਾਲੇ ਦੀ ਇੰਟਰਵਿਊ ਨੇ ਸਚਾਈ ਬਿਆਨ ਕਰਦਿਆ ਭਾਈ ਹਰਮਿੰਦਰ ਸਿੰਘ ਸੰਧੂ ਨੂੰ ਪੂਰਨ ਤੌਰ ਤੇ ਸ਼ਹੀਦ ਵਜੋ ਅਸਲ ਸੱਚ ਨੂੰ ਉਭਾਰਿਆ ਹੈ ਜਿਸ ਤੋ ਬਾਅਦ ਹੀ ਫੈਡਰੇਸ਼ਨ ਨੇ ਇਹ ਕਦਮ ਚੁੱਕਿਆ ਹੈ । ਉਹਨਾ ਕਿਹਾ ਕਿ ਬੀਤੇ ਸਮੇ ਦੌਰਾਨ ਗਲਤ ਫਹਿਮੀਆਂ ਦਾ ਸ਼ਿਕਾਰ ਹੋਕੇ ਆਪਣਿਆ ਨੂੰ ਆਪਣਿਆ ਨੇ ਹੀ ਮੋਤ ਦੇ ਘਾਟ ਉਤਾਰ ਕੇ ਭਰਾਮਾਰੂ ਜੰਗ ਕੀਤੀ ਜਿਸ ਨੇ ਬਹੁਤ ਜਿਆਦਾ ਨੁਕਸਾਨ ਤੇ ਨਫਰਤ ਪੈਦਾ ਕੀਤੀ । ਇਥੋਂ ਤੱਕ ਕਿ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਪੰਥਕ ਜਥੇਬੰਦੀਆ ਨਾਲ ਗੱਲਬਾਤ ਕਰਕੇ ਪੰਜਾਬ ਅੰਦਰ ਧਰਮ ਪਰਿਵਰਤਨ ਵਰਗੀਆ ਘਟਨਾਵਾ ਨੂੰ ਠੱਲ ਪਾਉਣ ਲਈ ਵੀ ਜਬਰਦਸਤ ਜਾਗਰੂਕ ਲਹਿਰ ਪੈਦਾ ਕਰੇਗੀ । ਭਾਈ ਕਸਮੀਰ ਸਿੰਘ ਸੰਘਾ ਨੇ ਐਲਾਨ ਕੀਤਾ ਕਿ ਫੈਡਰੇਸ਼ਨ ਦੀ 77 ਵੀ ਵਰੇਗੰਢ ਮੌਕੇ ਤਰਨਤਾਰਨ ਸਾਹਿਬ ਤੋ ਫੈਡਰੇਸ਼ਨ ਦਾ ਵੱਡਾ ਜਥਾ ਅੰਮ੍ਰਿਤਸਰ ਸਾਹਿਬ ਪਹੁੰਚੇਗਾ । ਉਹਨਾ ਕਿਹਾ ਕਿ ਫੈਡਰੇਸ਼ਨ ਨੇ ਹਮੇਸਾ ਹੱਕ ਸੱਚ ਤੇ ਨਿਆ ਲਈ ਸੰਘਰਸ਼ ਕੀਤਾ ਹੈ ਤੇ ਕਰੇਗੀ । ਇਥੇ ਵਰਣਨਯੋਗ ਯੋਗ ਹੈ ਕਿ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਦੋਨੋ ਸਾਬਕਾ ਪ੍ਰਧਾਨ ਸ੍ਰ ਕਰਨੈਲ ਸਿੰਘ ਪੀਰ ਮੁਹੰਮਦ ਅਤੇ ਡਾਕਟਰ ਮਨਜੀਤ ਸਿੰਘ ਭੌਮਾ ਇਸ ਵਕਤ ਸ੍ਰੌਮਣੀ ਅਕਾਲੀ ਦਲ ਸੰਯੁਕਤ ਦੇ ਜਨਰਲ ਸਕੱਤਰ ਹਨ । ਇਹਨਾਂ ਫੈਡਰੇਸ਼ਨ ਨੇਤਾਵਾ ਦੀ ਸਰਪ੍ਰਸਤੀ ਹੇਠ ਤੇ ਮੌਜੂਦਾ ਫੈਡਰੇਸ਼ਨ ਦੀ ਲੀਡਰਸ਼ਿਪ ਦੀ ਅਗਵਾਈ ਹੇਠ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਵਿਦਿਆਰਥੀਆਂ ਨੂੰ ਸਕੂਲਾ ਕਾਲਜਾਂ ਤੇ ਯੂਨੀਵਰਸਿਟੀਆਂ ਵਿੱਚ ਲਾਮਬੰਦ ਕਰ ਰਹੀ ਹੈ ।
