ਡਾ.ਅਜੀਤ ਕੰਵਲ ਹਮਦਰਦ ਦੀ ਕਾਵਿ ਚਿੱਤਰਕਾਰੀ ਪ੍ਰਦਰਸ਼ਨੀ ਦਾ ਦੂਜਾ ਦਿਨ
ਚੰਡੀਗੜ੍ਹ, 14 ਜਨਵਰੀ (ਵਿਸ਼ਵ ਵਾਰਤਾ) ਡਾ.ਅਜੀਤ ਕੰਵਲ ਸਿੰਘ ਹਮਦਰਦ ਦੇ ਕਾਵਿ ਚਿੱਤਰਾਂ ਦੀ ਇਥੇ ਕਲਾ ਭਵਨ ਵਿਖੇ ਲੱਗੀ ਤਿੰਨ ਰੋਜ਼ਾ ਪ੍ਰਦਰਸ਼ਨੀ ਦੇ ਦੂਜੇ ਦਿਨ ਉੱਘੇ ਕਵੀ ਤੇ ਪੰਜਾਬ ਕਲਾ ਪ੍ਰੀਸ਼ਦ ਦੇ ਚੇਅਰਮੈਨ ਡਾ.ਸੁਰਜੀਤ ਪਾਤਰ, ਪੰਜਾਬ ਸਾਹਿਤ ਅਕਾਦਮੀ ਦੀ ਪ੍ਰਧਾਨ ਡਾ.ਸਰਬਜੀਤ ਕੌਰ ਸੋਹਲ ਨੇ ਵੱਡੀ ਗਿਣਤੀ ਵਿੱਚ ਕਲਾ ਤੇ ਸਾਹਿਤ ਪ੍ਰੇਮੀ ਅਤੇ ਸਥਾਨਕ ਵਸਨੀਕ ਪਹੁੰਚੇ।
ਸੈਕਟਰ-16 ਸਥਿਤ ਕਲਾ ਭਵਨ ਦੇ ਸੋਭਾ ਸਿੰਘ ਆਰਟ ਗੈਲਰੀ ਵਿਖੇ ਲੱਗੀ ਇਸ ਪ੍ਰਦਰਸ਼ਨੀ ਨੂੰ ਡਾ.ਪਾਤਰ ਨੇ ਹਰੇਕ ਕਵਿਤਾ ਨੂੰ ਨੀਝ ਨਾਲ ਪੜਿ•ਆ ਅਤੇ ਚਿੱਤਰਾਂ ਤੇ ਸ਼ਬਦਾਂ ਦੀ ਸੁਚੱਜੀ ਬੁਣਤਰ ਵਿੱਚ ਸਫਲ ਹੋਏ ਲੇਖਕ ਦੀ ਕਲਮ ਅਤੇ ਦ੍ਰਿਸ਼ਟੀ ਦੀ ਭਰਵੀਂ ਸ਼ਲਾਘਾ ਕੀਤੀ। ਇਸ ਮੌਕੇ ਪ੍ਰਦਰਸ਼ਨੀ ਵਿਖੇ ਰੱਖੀ ਡਾਇਰੀ ਵਿੱਚ ਆਪਣੇ ਵਿਚਾਰ ਜ਼ਾਹਰ ਕਰਦਿਆਂ ਡਾ.ਪਾਤਰ ਨੇ ਆਖਿਆ ਕਿ ਇਹ ਬਹੁਤ ਸੋਹਣਾ ਲੱਗਾ ਕਿਉਂ ਜੋ ਇਹ ਦੋ ਹੁਨਰਾਂ ਦਾ ਸੁਮੇਲ ਹੈ। ਕਵਿਤਾਵਾਂ ਵਿੱਚ ਸੰਵੇਦਨਾ, ਰਵਾਨੀ, ਮਾਨਵੀ ਹੋਂਦ ਦਾ ਦਰਦ ਅਤੇ ਗੌਰਵ ਝਲਕਦਾ ਹੈ। ਉਨ•ਾਂ ਕਿਹਾ ਕਿ ਇਸ ਨਜ਼ਮੀ ਨੁਮਾਇਸ਼ ਵਿੱਚ ਗੁਜ਼ਰਨਾ ਖੂਬਸੁਰਤ ਅਨੁਭਵ ਸੀ। ਪੰਜਾਬੀ ਦੇ ਅੱਖਰ ਤਸਵੀਰ ਦਾ ਹਿੱਸਾ ਬਣ ਕੇ ਬਹੁਤ ਚੰਗਾ ਲੱਗਾ।
ਇਸੇ ਮੌਕੇ ਡਾ.ਸਰਬਜੀਤ ਕੌਰ ਸੋਹਲ ਨੇ ਆਖਿਆ ਕਿ ਇਸ ਪ੍ਰਦਰਸ਼ਨੀ ਦਾ ਨਿਵੇਕਲਾ ਪੱਖ ਹੈ ਕਿ ਕਵਿਤਾ ਦੇ ਰੰਗ ਵਿੱਚ ਚਿੱਤਰਕਾਰੀ ਦਾ ਰੰਗ ਵੀ ਘੁਲਿਆ-ਮਿਲਿਆ ਹੋਇਆ ਹੈ। ਇਨ•ਾਂ ਕਵਿਤਾਵਾਂ ਦੇ ਰਚਨਹਾਰੇ ਲਈ ਕਾਮਨਾ ਕਰਦਿਆਂ ਉਨ•ਾਂ ਕਿਹਾ ਕਿ ਇਹ ਦੋਵੇਂ ਕਲਾਵਾਂ ਬਹੁਤ ਚੰਗੀਆਂ ਲੱਗੀਆਂ।
ਬੀਤੇ ਦਿਨ ਸ਼ੁਰੂ ਹੋਈ ਕਾਵਿ ਚਿੱਤਰ ਪ੍ਰਦਰਸ਼ਨੀ ਵਿੱਚ ਡਾ.ਹਮਦਰਦ ਵੱਲੋਂ ਲਿਖੀਆਂ 50 ਤੋਂ ਵੱਧ ਕਵਿਤਾਵਾਂ ਚਿੱਤਰਾਂ ਸਮੇਤ ਪੇਸ਼ ਕੀਤੀਆਂ ਗਈਆਂ ਹਨ। ਇਸ ਪ੍ਰਦਰਸ਼ਨੀ ਵਿੱਚ ਕਵਿਤਾ ਤੇ ਚਿੱਤਰ ਇਕ-ਦੂਜੇ ਦੇ ਪੂਰਕ ਹਨ। ਇਸ ਪ੍ਰਦਰਸ਼ਨੀ ਰਾਹੀਂ ਜਿੱਥੇ ਮਾਨਵੀ ਸਰੋਕਾਰਾਂ ਨਾਲ ਜੁੜੇ ਸੂਖਮ ਵਿਸ਼ਿਆਂ ਨੂੰ ਛੂਹਿਆ ਗਿਆ ਹੈ ਉਥੇ ਹੀ ਮੌਜੂਦਾ ਦੌਰ ਵਿੱਚ ਰਿਸ਼ਤਿਆਂ ਦੀਆਂ ਬਦਲ ਰਹੀਆਂ ਪਰਿਭਾਸ਼ਾਵਾਂ ਨੂੰ ਵੀ ਪੇਸ਼ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਇਸ ਪ੍ਰਦਰਸ਼ਨੀ ਦਾ ਉਦਘਾਟਨ ਪੰਜਾਬ ਦੀਆਂ ਧੀਆਂ ਵੱਲੋਂ ਕੀਤਾ ਗਿਆ ਸੀ।