ਕੇਪ ਟਾਊਨ, 4 ਜਨਵਰੀ – ਭਾਰਤ ਅਤੇ ਦੱਖਣੀ ਅਫਰੀਕਾ ਦਰਮਿਆਨ ਤਿੰਨ ਟੈਸਟ ਮੈਚਾਂ ਦੀ ਲੜੀ ਦੀ ਸ਼ੁਰੂਆਤ ਕੱਲ੍ਹ ਤੋਂ ਹੋਣ ਜਾ ਰਹੀ ਹੈ| ਪਹਿਲਾ ਮੈਚ ਕੇਪ ਆਊਟ ਵਿਖੇ ਖੇਡਿਆ ਜਾਵੇਗਾ| ਦੋਨਾਂ ਦੇਸ਼ਾਂ ਦੀਆਂ ਟੀਮਾਂ ਲਈ ਇਸ ਲੜੀ ਨੂੰ ਕਾਫੀ ਅਹਿਮ ਮੰਨਿਆ ਜਾ ਰਿਹਾ ਹੈ| ਇੱਕ ਪਾਸੇ ਜਿੱਥੇ ਦੁਨੀਆ ਦੀ ਨੰਬਰ ਇੱਕ ਟੀਮ ਭਾਰਤ ਨੇ ਹਾਲ ਹੀ ਵਿਚ ਘਰੇਲੂ ਪਿੱਚਾਂ ਉਤੇ ਸ਼ਾਨਦਾਰ ਜਿੱਤਾਂ ਦਰਜ ਕੀਤੀਆਂ ਹਨ, ਉਥੇ ਹੁਣ ਉਸ ਤੇ ਵਿਦੇਸ਼ੀ ਪਿੱਚਾਂ ਉਤੇ ਦਮਖਮ ਦਿਖਾਉਣ ਦਾ ਦਬਾਅ ਹੋਵੇਗਾ|
ਦੂਸਰੇ ਪਾਸੇ ਦੱਖਣੀ ਅਫਰੀਕਾ ਦੀ ਟੀਮ ਲਈ ਇਹ ਟੈਸਟ ਲੜੀ ਉਨੀ ਆਸਾਨ ਨਹੀਂ ਹੋਵੇਗੀ| ਭਾਵੇਂ ਦੱਖਣੀ ਅਫਰੀਕਾ ਇੱਕ ਮਜਬੂਤ ਟੀਮ ਹੈ, ਪਰ ਫਿਰ ਵੀ ਉਸ ਨੂੰ ਲੜੀ ਜਿੱਤਣ ਲਈ ਅੱਡੀ ਚੋਟੀ ਦਾ ਜੋਰ ਲਾਉਣਾ ਪਵੇਗਾ|
ਕਿੰਨੇ ਵਜੇ ਸ਼ੁਰੂ ਹੋਵੇਗਾ ਮੈਚ?
ਇਹ ਮੈਚ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ ਬਾਅਦ 2 ਵਜੇ ਸ਼ੁਰੂ ਹੋਵੇਗਾ|
ਦੱਖਣੀ ਅਫਰੀਕਾ ਦਾ ਪਲੜਾ ਭਾਰੀ
ਦੋਵੇਂ ਟੀਮਾਂ ਹੁਣ ਤੱਕ 33 ਵਾਰੀ ਆਹਮੋ ਸਾਹਮਣੇ ਹੋਈਆਂ ਹਨ, ਪਰ 13 ਵਾਰੀ ਦੱਖਣੀ ਅਫਰੀਕਾ ਅਤੇ 10 ਵਾਰੀ ਭਾਰਤੀ ਟੀਮ ਨੇ ਮੈਚ ਜਿੱਤੇ ਹਨ, ਜਦੋਂ ਕਿ 10 ਮੈਚ ਡਰਾਅ ਰਹੇ ਹਨ|
ਨਵੇਂ ਸਾਲ ਵਿਚ ਨਵੀਂ ਸ਼ੁਰੂਆਤ
ਨਵੇਂ ਸਾਲ 2018 ਵਿਚ ਦੋਨਾਂ ਟੀਮਾਂ ਲਈ ਇਹ ਨਵੀਂ ਸ਼ੁਰੂਆਤ ਹੋਵੇਗੀ| 25 ਸਾਲਾਂ ਦੇ ਇਤਿਹਾਸ ਵਿਚ ਭਾਰਤੀ ਟੀਮ ਦੱਖਣੀ ਅਫਰੀਕਾ ਵਿਚ ਕੋਈ ਵੀ ਲੜੀ ਨਹੀਂ ਜਿੱਤ ਸਕੀ ਹੈ|
