ਹੁਸ਼ਿਆਰਪੁਰ 23 ਅਕਤੂਬਰ (ਵਿਸ਼ਵ ਵਾਰਤਾ )- ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਅਧੀਨ ਗੋਰਮਿੰਟ ਕਾਲਜ ਹੁਸ਼ਿਆਰਪੁਰ ਵਿੱਚ ਪੜ ਰਹੇ ਵਿਦਿਆਰਥੀਆਂ ਦੀ ਡਿਗਰੀ ਦੇ ਆਖਰੀ ਸਮੈਸਟਰ ਦਾ ਨਤੀਜਾ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਲੋਂ ਰੋਕ ਲਿਆ ਗਿਆ, ਨਤੀਜੇ ਵਾਲੀ ਸ਼ੀਟ ਤੇ ਬਕਾਇਆ ਫੀਸ ਜਮ੍ਹਾਂ ਕਰਵਾਉਣ ਦੀ ਗੱਲ ਲਿਖੀ ਗਈ ਹੈ ਕਿ ਫੀਸ ਜਮ੍ਹਾਂ ਕਰਾਉਣ ਤੇ ਹੀ ਨਤੀਜਾ ਦਿਖਾਇਆ ਜਾਵੇਗਾ, ਕਿ ਤੁਸੀਂ ਫੇਲ ਹੋ ਪਾਸ ਹੋ ਜਾ ਕੋਈ ਸਪਲੀ ਹੈ ਮਤਲਵ ਅਖਰੀ ਸਮੈਸਟਰ ਜਦੋ ਵਿਦਿਆਰਥੀ ਪਾਸ ਕਰਨ ਉਪਰੰਤ ਅਗਾਹ ਉਚੇਰੀ ਪੜ੍ਹਾਈ ਲਈ ਅਪਲਾਈ ਕਰਦਾ ਹੈ ਜਾਂ ਡਿਗਰੀ ਲੈਣ ਤੋਂ ਬਾਅਦ ਡਿਗਰੀ ਦਿਖਾ ਕੇ ਕਿਤੇ ਕੰਮ ਦੀ ਭਾਲ ਕਰਦਾ ਹੈ ਉਸ ਸਮੇਂ ਨਤੀਜਾ ਰੋਕਣਾ ਫੀਸ ਦੀ ਮੰਗ ਕਰਨੀ ਇਕ ਤਰ੍ਹਾਂ ਨਾਲ ਵਿਦਿਆਰਥੀਆਂ ਨੂੰ ਦਿਮਾਗ਼ੀ ਤੌਰ ਤੇ ਪਰੇਸ਼ਾਨ ਕਰਨ ਵਾਲੀ ਗੱਲ ਹੈ। ਜਦ ਕਿ ਸਰਕਾਰ ਦੇ ਮੰਤਰੀ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਘਪਲੇ ਵਿੱਚ ਨੰਗੇ ਹੋ ਚੁੱਕੇ ਹਨ, ਤੇ ਸਰਕਾਰ ਦਾ ਵਿਦਿਆਰਥੀਆਂ ਨੂੰ ਸਕਾਲਰਸ਼ਿਪ ਸਕੀਮ ਅਧੀਨ ਝੂਠੇ ਦਿਲਾਸੇ ਦੇ ਕੇ ਸਭ ਭੋਲੇ ਭਾਲੇ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ। ਇਸ ਆਖਰੀ ਸਾਲ ਨਤੀਜੇ ਨੂੰ ਰੋਕ ਕੇ ਇਹ ਗੱਲ ਪੂਰੀ ਤਰ੍ਹਾਂ ਨਾਲ ਸਿਧ ਹੋ ਜਾਂਦੀ ਹੈ ਕਿ ਸਰਕਾਰ ਦਲਿਤ ਵਿਦਿਆਰਥੀ ਦੇ ਖਿਲਾਫ਼ ਹੈ। ਤੇ ਦੇਸ਼ ਦਾ ਭਵਿੱਖ ਧੁੰਦਲਾ ਕਰਨਾ ਚਾਹੁੰਦੀ ਹੈ। ਇਸ ਸਬੰਧੀ ਅੱਜ ਸੀਨੀਅਰ ਬਸਪਾ ਆਗੂ ਠੇਕੇਦਾਰ ਭਗਵਾਨ ਦਾਸ ਸਿੱਧੂ, ਪ੍ਸ਼ੋਤਮ ਅਹੀਰ , ਵਿਕਾਸ ਹੰਸ , ਇੰਜ ਸਤਪਾਲ ਭਾਰਦਵਾਜ , ਰਿਟਾ ਅਫਸਰ ਇੰਦਰਜੀਤ ਬੱਧਣ , ਸਾਬੀ ਸਤੋਰ , ਪਰਿੰਸ ਬਜਵਾੜਾ ਗੋਪਨ ਸਿਧੂ ਤੇ ਹੋਰ ਸਾਥੀ ਗੋਰਮਿੰਟ ਕਾਲਜ ਹੁਸ਼ਿਆਰਪੁਰ ਪਹੁੰਚੇ ਤੇ ਕਾਲਜ ਦੇ ਪ੍ਰਸ਼ਾਸਨ ਨਾਲ ਗੱਲਬਾਤ ਕੀਤੀ ਪ੍ਰਿਸੀਪਲ ਦੀ ਸੀਟ ਖਾਲੀ ਹੋਣ ਕਰਕੇ ਵਾਇਸ ਪ੍ਰਿਸੀਪਲ ਸਾਹਿਬਾ ਨੇ ਵਿਸ਼ਵਾਸ ਦਿਵਾਇਆ ਕਿ ਬੁਧਵਾਰ ਤੱਕ ਪ੍ਰਿਸੀਪਲ ਸਾਹਿਬ ਦੇ ਆੳਣ ਤੇ ਮਸਲਾ ਹੱਲ ਕਰਨ ਦਾ ਯਤਨ ਕੀਤਾ ਜਾਵੇਗਾ।ਵਾਇਸ ਪ੍ਰਿੰਸੀਪਲ ਨੇ ਦੱਸਿਆ ਕਿ ਉਨ੍ਹਾਂ ਨੇ ਕਾਲਜ ਵਲੋਂ ਦੋ ਦਿਨ ਪਹਿਲਾਂ ਹੀ ਯੂਨੀਵਰਸਿਟੀ ਨੂੰ ਨਤੀਜਾ ਦਿਖਾਉਣ ਲਈ ਲਿਖ ਕੇ ਭੇਜਿਆ ਹੈ ਪਰ ਅਜੇ ਤੱਕ ਕੋਈ ਵਾਪਸੀ ਜਵਾਬ ਨਹੀਂ ਮਿਲਿਆ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਵਿਦਿਆਰਥੀ ਤੇ ਉਨ੍ਹਾਂ ਦੇ ਮਾਪੇ ਹਾਜਰ ਸਨ। ਇਸ ਤੋਂ ਬਾਅਦ ਆਗੂਆਂ ਨੇ ਕਿਹਾ ਕਿ ਉਹ ਹਰੇਕ ਵਿਦਿਆਰਥੀ ਦੀ ਮੁਸ਼ਕਿਲ ਹਲ ਕਰਵਾਉਣ ਲਈ ਮੈਦਾਨ ਵਿੱਚ ਖੜੇ ਹਨ ਤੇ ਪੂਰੇ ਪੰਜਾਬ ਦੇ ਕਾਲਜਾ ਯੂਨੀਵਰਸਿਟੀਆਂ ਦਾ ਦੌਰਾ ਕਰਨਗੇ ਤੇ ਵਿਦਿਆਰਥੀਆਂ ਦੀਆ ਮੁਸ਼ਕਲਾਂ ਸੁਣਨਗੇ ਤੇ ਹਰੇਕ ਸੰਭਵ ਹੱਲ ਕਰਨਗੇ।
