ਹੁਣ ਯੂ.ਪੀ ਵਿੱਚ ਪੰਚਾਇਤ ਚੋਣਾਂ ਲੜੇਗੀ ‘ਆਪ’ –ਕੇਜਰੀਵਾਲ
ਦਿੱਲੀ, 12 ਦਸੰਬਰ(ਵਿਸ਼ਵ ਵਾਰਤਾ)- ਦਿੱਲੀ ਤੋਂ ਬਾਅਦ ਆਮ ਆਦਮੀ ਪਾਰਟੀ ਹੁਣ ਉਤਰ ਪ੍ਰਦੇਸ਼ ਵਿੱਚ ਆਪਣੀ ਪਕੜ ਮਜ਼ਬੂਤ ਕਰਨ ਲਈ ਤਿਆਰੀਆਂ ਵਿੱਚ ਜੁਟ ਗਈ ਹੈ। ਇਸ ਦੇ ਲਈ ਉਸ ਨੇ ਯੂਪੀ ਵਿੱਚ ਆਗਾਮੀ ਪੰਚਾਇਤ ਚੋਣਾਂ ਲੜਨ ਦਾ ਮਨ ਬਣਾਇਆ ਹੈ। ਇਹਨਾਂ ਚੋਣਾਂ ਨੂੰ 2022 ਵਿਧਾਨ ਸਭਾ ਚੋਣਾਂ ਦੇ ਸੈਮੀ ਫਾਇਨਲਸ ਦੇ ਤੌਰ ਦੇ ਵੇਖਿਆ ਜਾ ਰਿਹਾ ਹੈ।
ਆਪ ਦੇ ਰਾਸ਼ਟਰੀ ਸੰਯੋਜਕ(ਕਨਵੀਨਰ) ਅਤੇ ਦਿੱਲੀ ਦੇ ਮੁਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਇਸ ਗੱਲ ਦਾ ਐਲਾਨ ਕੀਤਾ ਹੈ, ਕਿ ਉਹਨਾਂ ਦੀ ਪਾਰਟੀ ਯੂਪੀ ਵਿੱਚ ਪੰਚਾਇਤ ਚੋਣਾਂ ਲੜੇਗੀ। ਚੋਣਾਂ ਨੂੰ ਗੰਭੀਰਤਾ ਨਾਲ ਲੈਂਦੇ ਹੋਏ ਪਾਰਟੀ ਨੇ ਦਿੱਲੀ ਸਰਕਾਰ ਦੇ ਕੈਬਨਿਟ ਮੰਤਰੀ ਰਾਜੇਂਦਰ ਪਾਲ ਗੌਤਮ ਨੂੰ ਇਹਨਾਂ ਚੋਣਾਂ ਦਾ ਸੁਪਰਵਾਈਜ਼ਰ ਘੋਸ਼ਿਤ ਕੀਤਾ ਹੈ।
