ਸੜਕ ਹਾਦਸੇ ’ਚ ਵਿਅਕਤੀ ਦੀ ਮੌਤ
ਚੰਡੀਗੜ੍ਹ, 5 ਜੁਲਾਈ(ਵਿਸ਼ਵ ਵਾਰਤਾ)-ਮਾਨਸਾ ਤੋਂ ਇਕ ਭਿਆਨਕ ਸੜਕ ਹਾਦਸੇ ਵਿੱਚ ਵਿਅਕਤੀ ਦੀ ਮੌਤ ਦੀ ਖ਼ਬਰ ਸਾਹਮਣੇ ਆਈ ਹੈ। ਜਿਥੇ ਬਰਨਾਲਾ ਰੋਡ ਤੇ ਸਥਿਤ ਮਾਈ ਭਾਗੋ ਕਾਲਜ ਕੋਲ ਸੜਕ ਤੇ ਇਕ ਟਰੱਕ ਤੇ ਇਕ ਮੋਟਰਸਾਈਕਲ ਦੀ ਟੱਕਰ ਹੋ ਗਈ ਤੇ ਮੋਟਰਸਾਈਕਲ ਸਵਾਰ ਦੀ ਮੌਕੇ ਤੇ ਹੀ ਮੌਤ ਹੋ ਗਈ। ਮ੍ਰਿਤਕ ਦੀ ਪਹਿਚਾਣ ਪੰਕਜ ਕੁਮਾਰ ਵਾਸੀ ਸੁਨਾਮ ਮਾਨਸਾ ਵੱਜੋਂ ਹੋਈ ਹੈ। ਹਾਦਸੇ ਦਾ ਕਾਰਨ ਸੜਕ ਵਿੱਚ ਪਏ ਖੱਡੇ ਦੱਸੇ ਜਾ ਰਹੇ ਹਨ । ਦੱਸਿਆ ਜਾ ਰਿਹਾ ਹੈ ਕਿ ਸੜਕ ਵਿਚ ਜ਼ਿਆਦਾ ਖੱਡੇ ਹੋਣ ਕਾਰਨ ਮੋਟਰਸਾਈਕਲ ਸਵਾਰ ਆਪਣਾ ਮੋਟਰ ਸਾਈਕਲ ਖੱਡੇ ਤੋਂ ਬਚਾਉਂਦਾ ਹੋਇਆ ਇਕ ਟਰੱਕ ਅੱਗੇ ਆ ਗਿਆ ਤੇ ਟਰੱਕ ਨਾਲ ਭਿਆਨਕ ਟੱਕਰ ਵਿੱਚ ਉਸ ਦੀ ਮੌਤ ਹੋ ਗਈ।
