ਰੈਸਟੋਰੈਂਟ ‘ਚ ਪਾਰਟੀ ਦੌਰਾਨ ਚੱਲੀਆਂ ਗੋਲੀਆਂ
ਇੱਕ ਦੀ ਮੌਕੇ ਤੇ ਹੀ ਹੋਈ ਮੌਤ,ਜਾਣੋ ਪੂਰਾ ਮਾਮਲਾ
ਗੁਰੂਹਰਸਹਾਏ,26ਅਗਸਤ(ਵਿਸ਼ਵ ਵਾਰਤਾ)ਇੱਥੇ ਸਥਿਤ ਬਾਦਸ਼ਾਹ ਰੈਸਟੋਰੈਂਟ ਵਿਚ ਬੀਤੀ ਰਾਤ ਕਪਲ ਕਿੱਟੀ ਪਾਰਟੀ ਚੱਲ ਰਹੀ ਸੀ। ਜਿਸ ਵਿੱਚ ਸ਼ਹਿਰ ਦੇ ਨਾਮਵਰ ਕਪਲ ਲੋਕ ਸ਼ਾਮਿਲ ਸਨ ।ਜਦ ਰਾਤ 11 ਅਤੇ 12 ਵਜੇ ਦੇ ਵਿਚਕਾਰ ਰੈਸਟੋਰੈਂਟ ਵਾਲਿਆਂ ਨੇ ਕਿੱਟੀ ਪਾਰਟੀ ਚ ਸ਼ਾਮਲ ਲੋਕਾਂ ਲਈ ਟੇਬਲ ਤੇ ਰੋਟੀ ਖਾਣ ਲਈ ਲਗਾਈ ਤਾਂ ਰੋਟੀ ਠੰਢੀ ਹੋਣ ਕਰਕੇ ਲੋਕਾਂ ਦੀ ਰੈਸਟੋਰੈਂਟ ਵਾਲਿਆਂ ਨਾਲ ਬਹਿਸ ਸ਼ੁਰੂ ਹੋ ਗਈ। ਜਿਸ ਦੌਰਾਨ ਇੱਕ ਵਿਅਕਤੀ ਨੇ ਕਿੱਟੀ ਪਾਰਟੀ ਚ ਸ਼ਾਮਲ ਲੋਕਾਂ ਤੇ ਗੋਲੀ ਚਲਾ ਦਿੱਤੀ। ਜਿਸ ਦੌਰਾਨ 45 ਸਾਲਾ ਦੇ ਕਰੀਬ ਇਕ ਵਿਅਕਤੀ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ਅਤੇ ਇਕ ਔਰਤ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਈ ।ਜਿਸ ਨੂੰ ਲੁਧਿਆਣਾ ਦੇ ਨਿੱਜੀ ਹਸਪਤਾਲ ਵਿੱਚ ਇਲਾਜ ਲਈ ਦਾਖਲ ਕਰਾਇਆ ਗਿਆ ,ਜਿੱਥੇ ਉਸਦੀ ਹਾਲਤ ਬੇਹੱਦ ਨਾਜ਼ੁਕ ਬਣੀ ਹੋਈ ਹੈ। ਘਟਨਾ ਵਾਲੀ ਥਾਂ ਤੇ ਪੁਲੀਸ ਮੌਕੇ ਤੇ ਪਹੁੰਚ ਗਈ ਅਤੇ ਰੈਸਟੋਰੈਂਟ ਦੇ ਮਾਲਕ ਨੂੰ ਮੌਕੇ ਤੋਂ ਗ੍ਰਿਫਤਾਰ ਕਰ ਲਿਆ ਹੈ।
