ਗੁਜਰਾਤ ‘ਚ ਹੋਣ ਜਾ ਰਹੀਆਂ ਵਿਧਾਨਸਭਾ ਚੋਣਾਂ ਨੂੰ ਦੇਖਦੇ ਹੋਏ ਤੇਜ਼ ਹੋ ਰਹੀ ਰਾਜਨੀਤਿਕ ਪਹਿਲ ਦੇ ਵਿਚਕਾਰ ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਦੇ ਬਾਅਦ ਹੁਣ ਕਾਂਗਰਸ ਉਪ-ਪ੍ਰਧਾਨ ਰਾਹੁਲ ਗਾਂਧੀ 9 ਅਕਤੂਬਰ ਤੋਂ ਤਿੰਨ ਦਿਨ ਤੱਕ ਗੁਜਰਾਤ ਦੇ ਦੌਰੇ ‘ਤੇ ਰਹਿਣਗੇ। ਰਾਜ ਦੀ ਉਨ੍ਹਾਂ ਦੀ ਇਹ ਦੂਜੀ ਯਾਤਰਾ ਹੋਵੇਗੀ। ਪਾਰਟੀ ਸੂਤਰਾਂ ਮੁਤਾਬਕ ਗਾਂਧੀ 9 ਅਕਤੂਬਰ ਤੋਂ 11 ਅਕਤੂਬਰ ਤੱਕ ਗੁਜਰਾਤ ‘ਚ ਰਹਿਣਗੇ। ਇਸ ਦੌਰਾਨ ਉਹ ਪੱਛਮੀ ਗੁਜਰਾਤ ‘ਚ ਦੂਜਾ ਰੋਡ ਸ਼ੋਅ ਕਰਨਗੇ ਅਤੇ ਕਈ ਜ਼ਿਲਿਆਂ ਦਾ ਦੌਰਾ ਕਰਨਗੇ। ਰਾਜ ਦੇ ਆਪਣੇ ਪਿਛਲੇ ਦੌਰੇ ਦੀ ਤਰ੍ਹਾਂ ਹੀ ਇਸ ਵਾਰ ਵੀ ਉਹ ਉਥੇ ਕਈ ਮੰਦਰਾਂ ‘ਚ ਦਰਸ਼ਨ ਕਰਨ ਵੀ ਜਾਣਗੇ। ਗਾਂਧੀ ਨੇ ਆਪਣੇ ਪਿਛਲੇ ਦੌਰੇ ਦੀ ਸ਼ੁਰੂਆਤ ਗੁਜਰਾਤ ਦੇ ਦੁਆਰਕਾ ਮੰਦਰ ‘ਚ ਦਰਸ਼ਨ ਕਰਕੇ ਕੀਤੀ ਸੀ। ਇਸ ਦੌਰਾਨ ਉਹ ਕਈ ਹੋਰ ਮੰਦਰਾਂ ‘ਚ ਵੀ ਦਰਸ਼ਨ ਕਰਨ ਗਏ ਸੀ। ਉਹ ਨਾਲ ਹੀ ਕਿਸਾਨਾਂ, ਵਪਾਰੀਆਂ, ਧਾਰਮਿਕ ਅਤੇ ਸਮਾਜਿਕ ਸੰਗਠਨ ਦੇ ਪ੍ਰਤੀਨਿਧੀਆਂ ਨਾਲ ਵੀ ਮਿਲੇ ਸਨ
