ਭਾਰਤ ਬਨਾਮ ਨਿਊਜ਼ੀਲੈਂਡ ਵਨਡੇ ਮੈਚ
ਟੀਮ ਇੰਡੀਆ ਨੇ ਜਿੱਤਿਆ ਟਾੱਸ, ਚੁਣੀ ਪਹਿਲਾਂ ਗੇਂਦਬਾਜ਼ੀ
ਚੰਡੀਗੜ੍ਹ 21ਜਨਵਰੀ(ਵਿਸ਼ਵ ਵਾਰਤਾ)- ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਚੱਲ ਰਹੀ ਵਨਡੇ ਸੀਰੀਜ਼ ਦਾ ਦੂਜਾ ਮੈਚ ਜਲਦ ਹੀ ਰਾਏਪੁਰ ‘ਚ ਸ਼ੁਰੂ ਹੋਣ ਜਾ ਰਿਹਾ ਹੈ। ਟੀਮ ਇੰਡੀਆ ਨੇ ਟਾਸ ਜਿੱਤ ਕੇ ਪਹਿਲਾਂ ਫੀਲਡਿੰਗ ਕਰਨ ਦਾ ਫੈਸਲਾ ਕੀਤਾ ਹੈ। ਭਾਰਤ ਦੀ ਨਜ਼ਰ ਇਸ ਮੈਚ ਨੂੰ ਜਿੱਤ ਕੇ ਸੀਰੀਜ਼ ਜਿੱਤਣ ‘ਤੇ ਹੋਵੇਗੀ, ਜਦਕਿ ਕੀਵੀ ਟੀਮ ਇਹ ਮੈਚ ਜਿੱਤ ਕੇ ਸੀਰੀਜ਼ ‘ਚ 1-1 ਨਾਲ ਡਰਾਅ ਕਰਨਾ ਚਾਹੇਗੀ।
ਜੇਕਰ ਟੀਮ ਇੰਡੀਆ ਇਹ ਮੈਚ ਜਿੱਤ ਜਾਂਦੀ ਹੈ ਤਾਂ ਉਹ ਲਗਾਤਾਰ 7ਵੀਂ ਵਨਡੇ ਘਰੇਲੂ ਸੀਰੀਜ਼ ਜਿੱਤ ਲਵੇਗੀ। ਟੀਮ ਪਿਛਲੇ 4 ਸਾਲਾਂ ਤੋਂ ਘਰੇਲੂ ਮੈਦਾਨ ‘ਤੇ ਵਨਡੇ ਸੀਰੀਜ਼ ਨਹੀਂ ਹਾਰੀ ਹੈ। ਇਸ ਤੋਂ ਪਹਿਲਾਂ 2019 ਵਿੱਚ, ਆਸਟਰੇਲੀਆ ਨੇ ਉਨ੍ਹਾਂ ਨੂੰ 5 ਮੈਚਾਂ ਦੀ ਲੜੀ ਵਿੱਚ 3-2 ਨਾਲ ਹਰਾਇਆ ਸੀ। 2010 ਤੋਂ, ਭਾਰਤੀ ਟੀਮ ਨੇ ਘਰੇਲੂ ਮੈਦਾਨ ‘ਤੇ 25 ਵਨਡੇ ਸੀਰੀਜ਼ ਖੇਡੀ ਹੈ। ਇਨ੍ਹਾਂ ‘ਚੋਂ ਉਸ ਨੇ 23 ਜਿੱਤੇ ਹਨ ਅਤੇ ਸਿਰਫ 2 ਵਾਰ ਹਾਰ ਦਾ ਸਾਹਮਣਾ ਕੀਤਾ ਹੈ।
