ਦੁਆਰਕਾਧਿਸ਼ ਮੰਦਰ ਦੇ 52ਗਜ ਦੇ ਝੰਡੇ ‘ਤੇ ਡਿੱਗੀ ਬਿਜਲੀ
ਚੰਡੀਗੜ੍ਹ, 14ਜੁਲਾਈ(ਵਿਸ਼ਵ ਵਾਰਤਾ) ਗੁਜਰਾਤ ਦੇ ਦੁਆਰਕਾ ਧਾਰਮਿਕ ਕ੍ਰਿਸ਼ਨ ਮੰਦਰ ਵਿਖੇ ਮੰਦਰ ਦੇ ਝੰਡੇ ‘ਤੇ ਬਿਜਲੀ ਡਿੱਗ ਪਈ। ਬਿਜਲੀ ਦੇ ਡਿੱਗਣ ਨਾਲ ਮੰਦਰ ਦੇ 52 ਗਜ਼ ਦੇ ਝੰਡੇ ਨੂੰ ਨੁਕਸਾਨ ਪਹੁੰਚਿਆ । ਇਸੇ ਹੀ ਘਟਨਾ ਕਾਰਨ ਮੰਦਰ ਦੀਆਂ ਕੰਧਾਂ ਕਾਲੀਆਂ ਹੋ ਗਈਆਂ ਹਨ। ਪਰ ਇਸ ਹਾਦਸੇ ਨਾਲ ਦੁਆਰਕਾਧਿਸ਼ ਮੰਦਰ ਨੂੰ ਕੋਈ ਭਾਰੀ ਨੁਕਸਾਨ ਨਹੀਂ ਹੋਇਆ ਹੈ। ਇਹ ਘਟਨਾ ਮੰਗਲਵਾਰ ਦੁਪਹਿਰ 2:30 ਵਜੇ ਵਾਪਰੀ। ਅੱਜ ਜਿਵੇਂ ਹੀ ਇਹ ਘਟਨਾ ਸਾਹਮਣੇ ਆਈ, ਇਹ ਸੋਸ਼ਲ ਮੀਡੀਆ ਉੱਤੇ ਜ਼ਬਰਦਸਤ ਵਾਇਰਲ ਹੋ ਗਈ। ਤੁਹਾਡੀ ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਮੰਦਰ ਦੇ ਆਸ ਪਾਸ ਇਕ ਸੰਘਣੀ ਬਸਤੀ ਹੈ, ਜੇਕਰ ਇਸ ਸੰਘਣੀ ਬਸਤੀ ਤੇ ਬਿਜਲੀ ਡਿੱਗ ਪੈਂਦੀ ਤਾਂ ਵੱਡੇ ਨੁਕਸਾਨ ਦੀ ਸੰਭਾਵਨਾ ਸੀ।
