ਡਾ ਨਰਿੰਦਰ ਭਾਰਗਵ ਦੇ ਸੱਸ ਮਾਤਾ ਕ੍ਰਿਸ਼ਨਾ ਕੁਮਾਰੀ ਨਮਿੱਤ ਪਾਠ ਦਾ ਭੋਗ 10 ਅਕਤੂਬਰ ਨੂੰ ਮਲੋਟ ਵਿਖੇ
ਫੁੱਲਾਂ ਦੀ ਰਸ਼ਮ ਤੋਂ ਬਾਅਦ ਧੀਆਂ ਅਤੇ ਜਵਾਈਆਂ ਨੇ ਫ਼ਲਦਾਰ ਬੂਟੇ ਲਾਕੇ ਨਵੀਂ ਪਿਰਤ ਪਾਈ
ਮਾਨਸਾ 9 ਅਕਤੂਬਰ(ਵਿਸ਼ਵ ਵਾਰਤਾ)-ਪੰਜਾਬ ਪੁਲੀਸ ਦੇ ਉੱਚ ਅਧਿਕਾਰੀ ਅਤੇ ਮਾਨਸਾ ਦੇ ਸੀਨੀਅਰ ਕਪਤਾਨ ਪੁਲੀਸ ਡਾ ਨਰਿੰਦਰ ਭਾਰਗਵ ਦੇ ਸੱਸ ਮਾਤਾ ਸ੍ਰੀਮਤੀ ਕ੍ਰਿਸ਼ਨਾ ਕੁਮਾਰੀ ਨਮਿੱਤ ਸ਼ਰਧਾਂਜਲੀ ਸਮਾਰੋਹ ਭਲਕੇ 10 ਅਕਤੂਬਰ ਨੂੰ ਮਲੋਟ ਦੇ ਈਡਵਰਡ ਗੰਜ ਗੈਸਟ ਹਾਊਸ, ਤਹਿਸੀਲ ਰੋਡ ਵਿਖੇ ਪਵੇਗਾ।
ਇਸ ਤੋਂ ਪਹਿਲਾਂ ਉਨ੍ਹਾਂ ਦਾ ਵੀਰਵਾਰ ਨੂੰ ਮਲੋਟ ਵਿਖੇ ਅੰਤਿਮ ਸੰਸਕਾਰ ਕੀਤਾ ਗਿਆ ਸੀ। ਅੱਜ ਉਨ੍ਹਾਂ ਦੇ ਫੁੱਲ ਚੁਗਣ ਦੀ ਰਸ਼ਮ ਧਾਰਮਿਕ ਸ਼ਰਧਾ ਅਨੁਸਾਰ ਕੀਤੀ ਗਈ, ਜਿਸ ਦੌਰਾਨ ਲੋਕਾਂ ਵਿੱਚ ਚੇਤਨਾ ਪੈਦਾ ਕਰਨ ਲਈ ਵਾਤਾਵਰਨ ਨੂੰ ਧਿਆਨ ਵਿੱਚ ਰੱਖਦਿਆਂ ਸਮਸਾਨ ਭੂਮੀ ਵਿੱਚ ਆਧੁਨਿਕ ਫ਼ਲਦਾਰ ਬੂਟੇ ਮਾਤਾ ਜੀ ਦੀਆਂ ਧੀਆਂ, ਜਵਾਈਆਂ , ਦੋਹਤੇ ਦੋਹਤੀਆਂ ਪਾਸੋਂ ਲਗਵਾਏ ਗਏ।
ਉਹ ਆਪਣੇ ਪਿੱਛੇ ਪੰਜ ਧੀਆਂ ਦੋਹਤੇ – ਦੋਹਤੀਆਂ ਰਿਸ਼ਤੇਦਾਰਾਂ, ਅਤੇ ਵੱਡੇ ਸ਼ਰੀਕੇ ਕਬੀਲੇ, ਰਿਸ਼ਤੇਦਾਰਾਂ ਅਤੇ ਅੰਗਾਂ ਸਾਕਾਂ ਦਾ ਵੱਡਾ ਬਾਗ ਬਗ਼ੀਚਾ ਛੱਡ ਗਏ ਹਨ।
