ਚੰਡੀਗੜ੍ਹ ਦੇ ਮਟਕਾ ਚੌਕ ਤੇ ਪਹੁੰਚੀ ਨਿਹੰਗ ਫ਼ੌਜ
ਚੰਡੀਗੜ੍ਹ ,18 ਅਗਸਤ(ਅੰਕੁਰ ਤਾਂਗੜੀ) ਬੁੱਧਵਾਰ ਦੁਪਹਿਰ ਸ਼ਹਿਰ ਦੇ ਸੈਕਟਰ 10 ਦੇ ਮਟਕਾ ਚੌਕ ‘ਤੇ ਉਸ ਵੇਲੇ ਹਫੜਾ ਦਫੜੀ ਮੱਚ ਗਈ ਜਦੋਂ ਕਾਫੀ ਸੰਖਿਆ ਵਿਚ ਨਿਹੰਗ ਸਿੱਖ ਉਥੇ ਦਿਖਾਈ ਦਿੱਤੇ । ਜਿੱਦਾਂ ਹੀ ਇਸ ਦੀ ਸੂਚਨਾ ਚੰਡੀਗੜ੍ਹ ਪੁਲਸ ਨੂੰ ਮਿਲੀ ਤਾਂ ਭਾਰੀ ਸੰਖਿਆ ਵਿਚ ਪੁਲੀਸਕਰਮੀ ਧਾਰਾ 144 ਦਾ ਪਾਲਣ ਕਰਵਾਉਣ ਪਹੁੰਚ ਗਏ । ਇਸ ਮੌਕੇ ਚੰਡੀਗੜ੍ਹ ਪੁਲੀਸ ਦੇ ਵੱਡੇ ਅਧਿਕਾਰੀ ਵੀ ਮੌਕੇ ਤੇ ਪਹੁੰਚ ਗਏ ਜਿਸ ਵਿਚ ਐਸ ਪੀ ਸਿਟੀ ਕੇਤਨ ਬੰਸਲ ਡੀ ਐੱਸ ਪੀ ਸੈਂਟਰਲ ਚਰਨਜੀਤ ਵਿਰਕ ਅਤੇ ਸੈਕਟਰ ਸਤਾਰਾਂ ਦੇ ਐਸਐਚਓ ਰਾਮ ਰਤਨ ਆਪਣੀ ਪੂਰੀ ਫੋਰਸ ਨਾਲ ਉਥੇ ਪਹੁੰਚ ਗਏ ਅਤੇ ਨਿਹੰਗ ਸਿੰਘਾਂ ਨੂੰ ਮਨਾੳੁਣ ਦੀ ਕੋਸ਼ਿਸ਼ ਕੀਤੀ ਕਿ ਉਹ ਸ਼ਾਂਤੀਪੂਰਵਕ ਇੱਥੋਂ ਚਲੇ ਜਾਣ ਨਿਹੰਗ ਜਥੇ ਦੇ ਪ੍ਰਮੁੱਖ ਬਾਬਾ ਅਮਰ ਸਿੰਘ ਨੇ ਦੱਸਿਆ ਕਿ ਉਹ ਇੱਥੋਂ ਦਿੱਲੀ ਵੱਲ ਨੂੰ ਜਾ ਰਹੇ ਸੀ ਚੰਡੀਗੜ੍ਹ ਦੇ ਮਟਕਾ ਚੌਕ ਤੇ ਬੈਠੇ ਬਾਬਾ ਲਾਭ ਸਿੰਘ ਨੂੰ ਮਿਲਣ ਇੱਥੇ ਪਹੁੰਚ ਗਏ ਅਤੇ ਘੋੜਿਆਂ ਨੂੰ ਆਰਾਮ ਕਰਾਉਣ ਲਈ ਇੱਥੇ ਰੁਕੇ । ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਬਾਬਾ ਲਾਭ ਸਿੰਘ ਨੂੰ ਜੇਕਰ ਉਨ੍ਹਾਂ ਦੀ ਜ਼ਰੂਰਤ ਹੋਵੇਗੀ ਤਾਂ ਉਹ ਫੇਰ ਇੱਥੇ ਪਹੁੰਚਣਗੇ ।
