ਚੀਨੀ ਗੁਬਾਰੇ ਤੋਂ ਬਾਅਦ ਹੁਣ ਅਮਰੀਕਾ-ਕੈਨੇਡਾ ਸਰਹੱਦ ਨੇੜੇ ਦੇਖੀ ਗਈ ਚੌਥੀ ਉੱਡਣ ਵਾਲੀ ਵਸਤੂ
ਅਮਰੀਕੀ ਹਵਾਈ ਸੈਨਾ ਨੇ ਕੀਤੀ ਕਾਰਵਾਈ
ਚੰਡੀਗੜ੍ਹ 13 ਫਰਵਰੀ(ਵਿਸ਼ਵ ਵਾਰਤਾ ਬਿਓਰੋ)-ਅਮਰੀਕਾ ਵਿੱਚ ਚੀਨੀ ਗੁਬਾਰੇ ਤੋਂ ਬਾਅਦ ਹੁਣ ਅਮਰੀਕਾ-ਕੈਨੇਡਾ ਸਰਹੱਦ ਦੇ ਨੇੜੇ ਇੱਕ ਹੋਰ ਉੱਡਦੀ ਚੀਜ਼ ਦਿਖਾਈ ਦਿੱਤੀ। ਇਸ ਨੂੰ ਅਮਰੀਕੀ ਹਵਾਈ ਸੈਨਾ ਦੁਆਰਾ ਮਾਰ ਸੁੱਟਿਆ ਗਿਆ ਹੈ। ਪਿਛਲੇ ਇੱਕ ਹਫ਼ਤੇ ਵਿੱਚ ਇਹ ਚੌਥੀ ਉੱਡਣ ਵਾਲੀ ਵਸਤੂ ਹੈ ਜੋ ਡੇਗੀ ਗਈ ਹੈ। ਹੁਣ ਇਸ ਦੇ ਮਲਬੇ ਦੀ ਭਾਲ ਕੀਤੀ ਜਾ ਰਹੀ ਹੈ। ਨਿਊਜ਼ ਏਜੰਸੀ ਰਾਇਟਰਜ਼ ਮੁਤਾਬਕ ਰਾਸ਼ਟਰਪਤੀ ਜੋਅ ਬਿਡੇਨ ਨੇ ਸਰਹੱਦ ‘ਤੇ ਦਿਖਾਈ ਦੇਣ ਵਾਲੀ ਇਸ ਉੱਡਣ ਵਾਲੀ ਵਸਤੂ ਨੂੰ ਡੇਗਣ ਦਾ ਹੁਕਮ ਦਿੱਤਾ। ਇਸ ਤੋਂ ਬਾਅਦ ਅਮਰੀਕੀ ਲੜਾਕੂ ਜਹਾਜ਼ਾਂ ਨੇ ਕਾਰਵਾਈ ਕੀਤੀ।
ਇਕ ਬਿਆਨ ਦੇ ਅਨੁਸਾਰ, ਚੌਥੀ ਉਡਣ ਵਾਲੀ ਵਸਤੂ ਨੂੰ ਐਤਵਾਰ ਨੂੰ ਅਮਰੀਕਾ ਦੇ ਸਮੇਂ ਅਨੁਸਾਰ ਸਵੇਰੇ 2:42 ਵਜੇ ਹਵਾਈ ਸੈਨਾ ਦੇ ਐੱਫ-16 ਲੜਾਕੂ ਜਹਾਜ਼ ਨੇ ਡੇਗ ਦਿੱਤਾ। ਇਸ ਦੇ ਨਾਲ ਹੀ, ਇੱਕ ਅਮਰੀਕੀ ਅਧਿਕਾਰੀ ਨੇ ਕਿਹਾ- ਹੂਰੋਨ ਝੀਲ ਵਿੱਚ ਦੇਖਿਆ ਗਿਆ ਚੌਥਾ ਸ਼ੱਕੀ ਉੱਡਣ ਵਾਲਾ ਆਬਜੈਕਟ ਅੱਠਭੁਜ ਬਣਤਰ ਦਾ ਸੀ। ਇਸ ਤੋਂ ਕੁਝ ਤਾਰਾਂ ਲਟਕ ਰਹੀਆਂ ਸਨ। ਹਾਲਾਂਕਿ, ਇਸ ਨਾਲ ਫੌਜ ਨੂੰ ਕੋਈ ਖਤਰਾ ਨਹੀਂ ਸੀ।
ਉਨ੍ਹਾਂ ਕਿਹਾ- ਇਹ ਜ਼ਮੀਨ ਤੋਂ 20 ਹਜ਼ਾਰ ਫੁੱਟ ਉੱਪਰ ਉੱਡ ਰਿਹਾ ਸੀ, ਇਸ ਲਈ ਇਹ ਨਾਗਰਿਕ ਹਵਾਬਾਜ਼ੀ ਲਈ ਖ਼ਤਰਾ ਬਣ ਸਕਦਾ ਹੈ। ਇਸ ਨਾਲ ਵਪਾਰਕ ਉਡਾਣਾਂ ਲਈ ਖਤਰਾ ਪੈਦਾ ਹੋ ਗਿਆ ਹੈ। ਇਸ ਦੇ ਨਾਲ ਹੀ ਇਹ ਆਬਾਦੀ ‘ਤੇ ਡਿੱਗਣ ਦੀ ਸੰਭਾਵਨਾ ਸੀ, ਇਸ ਲਈ ਇਸ ਨੂੰ ਮਾਰਿਆ ਗਿਆ। ਅਮਰੀਕੀ ਪ੍ਰਸ਼ਾਸਨ ਨੇ ਇਸ ਮਾਮਲੇ ਨਾਲ ਜੁੜੀ ਕੋਈ ਵੀ ਫੋਟੋ ਜਾਂ ਫਿਊਜ਼ਟ ਜਾਰੀ ਨਹੀਂ ਕੀਤਾ ਹੈ।ਇਸ ਤੋਂ ਪਹਿਲਾਂ ਵੀ 2 ਵਸਤੂਆਂ ਅਮਰੀਕਾ ਵਿਚ ਦੇਖੀਆਂ ਗਈਆਂ ਸਨ, ਇਕ ਕੈਨੇਡਾ ਵਿਚ।
