ਪੰਜਾਬ ਦੀ ਮੁਟਿਆਰ ਦਾ ਦੁਨੀਆ ਵਿੱਚ ਜਲਵਾ
ਖਰੜ ਦੀ ਹਰਨਾਜ਼ ਸੰਧੂ ਬਣੀ ਮਿਸ ਯੂਨੀਵਰਸ 2021
ਚੰਡੀਗੜ੍ਹ,13 ਦਸੰਬਰ(ਵਿਸ਼ਵ ਵਾਰਤਾ)-ਚੰਡੀਗੜ੍ਹ ਦੇ ਪੋਸਟ ਗ੍ਰੈਜੂਏਟ ਸਰਕਾਰੀ ਕਾਲਜ ਸੈਕਟਰ-11 ਦੀ ਸਾਬਕਾ ਵਿਦਿਆਰਥਣ ਅਤੇ ਪੰਜਾਬੀ ਫਿਲਮ ਅਭਿਨੇਤਰੀ ਹਰਨਾਜ਼ ਸੰਧੂ ਨੂੰ ਮਿਸ ਯੂਨੀਵਰਸ 2021 ਦਾ ਖਿਤਾਬ ਦਿੱਤਾ ਗਿਆ ਹੈ।
ਹਰਨਾਜ਼ ਦੇ ਮਾਤਾ ਜੀ ਇੱਕ ਗਾਇਨਾਕੋਲੋਜਿਸਟ ਹਨ ਅਤੇ ਚੰਡੀਗੜ੍ਹ ਦੇ ਨਾਲ ਲੱਗਦੇ ਖਰੜ ਵਿੱਚ ਰਹਿੰਦੇ ਹਨ, ਹਰਨਾਜ਼ ਨੂੰ ਐਤਵਾਰ ਰਾਤ ਨੂੰ ਇਜ਼ਰਾਈਲ ਦੇ ਈਲਾਟ ਵਿੱਚ ਯੂਨੀਵਰਸ ਡੋਮ ਵਿੱਚ ਆਯੋਜਿਤ ਪ੍ਰੋਗਰਾਮ ਵਿੱਚ ਮੈਕਸੀਕੋ ਤੋਂ ਉਸਦੀ ਪੂਰਵਜ ਐਂਡਰੀਆ ਮੇਜ਼ਾ ਦੁਆਰਾ ਤਾਜ ਪਹਿਨਾਇਆ ਗਿਆ ਸੀ।
ਹਰਨਾਜ਼ ਦੇ ਇਸ ਤੋਂ ਪਹਿਲਾਂ ਟਾਈਮਜ਼ ਫਰੈਸ਼ ਫੇਸ ਮਿਸ ਚੰਡੀਗੜ੍ਹ 2017, ਮਿਸ ਮੈਕਸ ਐਮਰਜਿੰਗ ਸਟਾਰ ਇੰਡੀਆ 2018 ਅਤੇ ਫੈਮਿਨਾ ਮਿਸ ਇੰਡੀਆ ਪੰਜਾਬ 2019 ਵਰਗੇ ਕਈ ਖ਼ਿਤਾਬ ਵੀ ਆਪਣੇ ਨਾਲ ਕਰ ਚੁੱਕੀ ਹੈ।
ਉਸ ਨੇ ‘ਯਾਰਾ ਦੀਆਂ ਪੋਹ ਬਾਰਾਂ’ ਅਤੇ ‘ਬਾਈ ਜੀ ਕੁਟਣਗੇ’ ਵਰਗੀਆਂ ਪੰਜਾਬੀ ਫਿਲਮਾਂ ਵਿੱਚ ਵੀ ਕੰਮ ਕੀਤਾ ਹੈ।
