ਕੋਰੋਨਾ ਫ੍ਰੰਟਲਾਈਨ ਸਿਪਾਹੀਆਂ ਦੀ ਵਧੀਆ ਕਾਰਗੁਜਾਰੀ ਕੋਰੋਨਾ ਕੰਟ੍ਰੋਲ ਵਿੱਚ ਸਹਾਇਕ: ਡਾ. ਰਾਜ

ਆੰਗਨਬਾੜੀ ਅਤੇ ਸਫਾਈ ਕਰਮਚਾਰੀਆਂ ਨੂੰ ਦਿੱਤੇ ਪ੍ਰਸ਼ੰਸਾ ਪੱਤਰ
ਹੁਸ਼ਿਆਰਪੁਰ 1ਜੁਲਾਈ (ਵਿਸ਼ਵ ਵਾਰਤਾ)-                              ਕੋਵਿਡ-19 ਦੇ ਲੋਕਡਾਉਨ ਦੌਰਾਨ ਅਤੇ ਹੁਣ ਅਨਲਾੱਕ  1.0 ਅਤੇ ਅਨਲਾੱਕ 2.0 ਤਹਿਤ ਪੜਾਅ -ਬੱਧੀ ਤਰੀਕੇ ਨਾਲ ਜੀਵਨ ਨੂੰ ਮੁੜ ਚਲਦਾ ਕਰਣ ਪਰ ਨਾਲ ਹੀ ਕੋਰੋਨਾ ਵਾਇਰਸ ਦੇ ਫੈਲਾਅ ਨੂੰ ਕੰਟ੍ਰੋਲ ਵਿੱਚ ਰੱਖਣ ਲਈ ਮੈਡੀਕਲ ਟੀਮਾਂ ਦੇ ਨਾਲ-ਨਾਲ ਸਫਾਈ ਕਰਮਚਾਰੀ, ਆਗਨਬਾੜੀ ਵਰਕਰਾਂ ਦਾ ਵੀ ਵੱਡਾ ਯੋਗਦਾਨ ਹੈ। ਇਹ ਵਿਚਾਰ ਵਿਧਾਇਕ ਚੱਬੇਵਾਲ ਡਾ. ਰਾਜ ਕੁਮਾਰ ਦੁਆਰਾ ਜਾਹਿਰ ਕੀਤੇ ਗਏ। ਜਿਸ ਸਮੇਂ ਉਹ ਆਪਣੇ ਹਲਕੇ ਦੇ ਅਜਿਹੇ ਕੋਰੋਨਾ ਸਿਪਾਹੀਆਂ ਨੂੰ ਸਨਮਾਨਿਤ ਕਰ ਰਹੇ ਸਨ। ਡਾ. ਰਾਜ ਵਲੋਂ ਹਲਕਾ ਚੱਬੇਵਾਲ ਦੇ 50 ਪਿੰਡਾਂ ਦੇ ਅਜਿਹੇ ਕੋਰੋਨਾ ਸਿਪਾਹੀਆਂ ਨੂੰ ਪ੍ਰਸ਼ੰਸਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ। ਉਹਨਾਂ ਨੇ ਕਿਹਾ ਕਿ ਅਸੀਂ ਸਾਰੇ ਇਹਨਾਂ ਦੇ ਰਿਣੀ ਹਾਂ ਜਿਹਨਾਂ ਨੇ ਅੱਗੇ ਹੋ ਕੇ ਇਸ ਮਹਾਮਾਰੀ ਦੀ ਰੋਕਥਾਮ ਲਈ ਕੰਮ ਕੀਤਾ ਅਤੇ ਅਜੇ ਵੀ ਕਰ ਰਹੇ ਹਨ। ਪੰਜਾਬ ਸਰਕਾਰ ਦੇ ਕੋਵਿਡ ਕੰਟ੍ਰੋਲ ਦੇ ਉਪਰਾਲਿਆਂ ਨੂੰ ਨੇਪਰੇ ਚਾੜਨ ਵਿੱਚ ਇਹਨਾਂ ਦਾ ਵੱਡਾ ਯੋਗਦਾਨ ਹੈ। ਇਹਨਾਂ ਕੋਰੋਨਾ ਸਿਪਾਹੀਆਂ ਦੀ ਅਣਥੱਕ ਮਿਹਨਤ ਅਤੇ ਜਨਤਾ ਦੇ ਸਾਥ ਨਾਲ ਹੀ ਅਸੀਂ ਕੋਰੋਨਾ ਮਹਾਮਾਰੀ ਤੋਂ ਸੁਰੱਖਿਅਤ ਰਹਿ ਸਕਦੇ ਹਾਂ। ਆਪਣੇ ਕੰਮ ਪ੍ਰਤੀ ਇਹਨਾਂ ਦੀ ਵਚਨਬੱਧਤਾ ਸ਼ਲਾਘਾਯੋਗ ਹੈ। ਇਸ ਅਵਸਰ ਦੇ ਇਹਨਾਂ ਪਿੰਡਾਂ ਦੇ ਲੋੜਵੰਦਾਂ ਨੂੰ ਰਾਸ਼ਨ ਵੀ ਵੰਡਿਆ ਗਿਆ।