ਕਿਸਾਨ ਮੋਰਚੇ ਵਿੱਚ ਪਹੁੰਚੇ ਕਈ ਮਸ਼ਹੂਰ ਪੰਜਾਬੀ ਗਾਇਕ
200 ਕਿਸਾਨਾਂ ਦਾ ਜੱਥਾ ਹਰ ਰੋਜ਼ ਜਾਵੇਗਾ ਦਿੱਲੀ ਜੰਤਰ ਮੰਤਰ-ਬਲਵੀਰ ਸਿੰਘ ਰਾਜੇਵਾਲ
26ਜੁਲਾਈ ਅਤੇ 9ਅਗਸਤ ਨੂੰ ਬੀਬੀਆਂ ਦਾ ਜੱਥਾ ਕਰੇਗਾ ਪ੍ਰਦਰਸ਼ਨ
ਚੰਡੀਗੜ੍ਹ,15 ਜੁਲਾਈ(ਵਿਸ਼ਵ ਵਾਰਤਾ) ਪਿਛਲੇ 7 ਮਹੀਨਿਆਂ ਤੋਂ ਤਿੰਨ ਖੇਤੀ ਕਾਨੂੰਨਾਂ ਖਿਲਾਫ ਦਿੱਲੀ ਬਾਰਡਰ ਤੇ ਚੱਲ ਰਹੇ ਕਿਸਾਨ ਅੰਦੇਲਨ ਦੀ ਸਟੇਜ ਤੇ ਅੱਜ ਪੰਜਾਬ ਦੇ ਕਈ ਮਸ਼ਹੂਰ ਗਾਇਕਾਂ ਅਤੇ ਅਦਾਕਾਰਾਂ ਨੂੰ ਦੇਖਿਆ ਗਿਆ।
ਜਿਨ੍ਹਾਂ ਵਿੱਚ ਬੱਬੂ ਮਾਨ,ਸਿੱਪੀ ਗਿੱਲ,ਜੱਸ ਬਾਜਵਾ,ਰਣਜੀਤ ਬਾਵਾ ਅਤੇ ਅਦਾਕਾਰਾ ਗੁਲ ਪਨਾਗ ਨੂੰ ਕਿਸਾਨ ਆਗੂ ਬਲਬੀਰ ਸਿੰਘ ਰਾਜੇਵਾਲ ਨਾਲ ਸਟੇਜ ਸਾਂਝੀ ਕਰਦਿਆ ਦੇਖਿਆ ਗਿਆ ।ਬਲਬੀਰ ਸਿੰਘ ਰਾਜੇਵਾਲ ਨੇ ਕਿਹਾ ਹੈ ਕਿ ਹਰ ਰੋਜ਼ 200 ਕਿਸਾਨਾਂ ਦਾ ਜੱਥਾ ਦਿੱਲੀ ਜੰਤਰ ਮੰਤਰ ਤੇ ਅਤੇ ਸੰਸਦ ਅੱਗੇ ਜਾ ਕੇ ਪ੍ਰਦਰਸ਼ਨ ਕਰੇਗਾ ।ਉਹਨਾਂ ਇਹ ਵੀ ਕਿਹਾ ਕਿ 26 ਜੁਲਾਈ ਨੂੰ ਕਿਸਾਨ ਅੰਦੋਲਨ ਦੇ 8 ਮਹੀਨੇ ਪੂਰੇ ਹੋਣ ਤੇ ਅਤੇ 9ਅਗਸਤ ਨੂੰ ਬੀਬੀਆਂ ਦਾ ਜੱਥਾ ਦਿੱਲੀ ਜੰਤਰ ਮੰਤਰ ਜਾ ਕੇ ਪ੍ਰਦਰਸ਼ਨ ਕਰੇਗਾ।
