ਅੱਜ ਹਿਮਾਚਲ ‘ਚ Jio 5G ਦੀ ਹੋਵੇਗੀ ਸ਼ੁਰੂਆਤ
ਚੰਡੀਗੜ੍ਹ,14ਫਰਵਰੀ(ਵਿਸ਼ਵ ਵਾਰਤਾ)-ਹਿਮਾਚਲ ਪ੍ਰਦੇਸ਼ ਦੇ ਸ਼ਹਿਰ ਹੁਣ 5ਜੀ ਇੰਟਰਨੈੱਟ ਸਪੀਡ ਨਾਲ ਲੈਸ ਹੋਣਗੇ। CM ਸੁਖਵਿੰਦਰ ਸਿੰਘ ਸੁੱਖੂ ਅੱਜ ਸਵੇਰੇ 11 ਵਜੇ ਸ਼ਿਮਲਾ ਵਿੱਚ Jio ਦਾ 5G ਨੈੱਟਵਰਕ ਲਾਂਚ ਕਰਨਗੇ। ਲਾਂਚਿੰਗ ਪ੍ਰੋਗਰਾਮ ਹੋਟਲ ਹੋਲੀ ਡੇ ਹੋਮ ਵਿਖੇ ਰੱਖਿਆ ਗਿਆ ਹੈ। ਇਸ ਦੌਰਾਨ ਕੰਪਨੀ ਵੱਲੋਂ 5ਜੀ ਕਿਵੇਂ ਕੰਮ ਕਰੇਗਾ ਇਸ ਬਾਰੇ ਇੱਕ ਪ੍ਰਦਰਸ਼ਨੀ ਪ੍ਰੋਗਰਾਮ ਵੀ ਆਯੋਜਿਤ ਕੀਤਾ ਗਿਆ ਹੈ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਏਅਰਟੈੱਲ ਨੇ ਸ਼ਿਮਲਾ ‘ਚ 5ਜੀ ਸਰਵਿਸ ਲਾਂਚ ਕੀਤੀ ਸੀ। ਹੁਣ ਰਿਲਾਇੰਸ ਜੀਓ ਵੀ 5ਜੀ ਲਾਂਚ ਕਰ ਰਿਹਾ ਹੈ। ਸ਼ਿਮਲਾ ਤੋਂ ਇਲਾਵਾ ਬਿਲਾਸਪੁਰ ਅਤੇ ਮੁੱਖ ਮੰਤਰੀ ਦੇ ਗ੍ਰਹਿ ਜ਼ਿਲ੍ਹੇ ਹਮੀਰਪੁਰ ਅਤੇ ਉਨ੍ਹਾਂ ਦੇ ਵਿਧਾਨ ਸਭਾ ਹਲਕੇ ਨਦੌਨ ਵਿੱਚ ਵੀ 5ਜੀ ਸੇਵਾ ਉਪਲਬਧ ਹੋਵੇਗੀ।
