ਡੇਰਾ ਸਿਰਸਾ ਦੀ ਤਲਾਸ਼ੀ ਦੂਸਰੇ ਦਿਨ ਵੀ ਜਾਰੀ, ਜਾਣੋ ਅੱਜ ਕੀ ਕੁਝ ਮਿਲਿਆ

ਸਿਰਸਾ, 9 ਸਤੰਬਰ (ਵਿਸ਼ਵ ਵਾਰਤਾ) : ਸਿਰਸਾ ਸਥਿਤ ਡੇਰਾ ਸੱਚਾ ਸੌਦਾ ਦੀ ਤਲਾਸ਼ੀ ਅੱਜ ਦੂਸਰੇ ਦਿਨ ਵੀ ਜਾਰੀ ਰਹੀ| ਸੂਤਰਾਂ ਅਨੁਸਾਰ ਡੇਰੇ ਅੰਦਰੋਂ ਅੱਜ ਭਾਰੀ ਮਾਤਰਾ ਵਿਚ ਵਿਸਫੋਟਕ ਸਮੱਗਰੀ ਮਿਲੀ ਹੈ| ਮੰਨਿਆ ਜਾ ਰਿਹਾ ਹੈ ਕਿ ਇਸ ਸਮੱਗਰੀ ਦੀ ਵਰਤੋਂ ਪਟਾਖੇ ਚਲਾਉਣ ਲਈ ਕੀਤੀ ਜਾਂਦੀ ਸੀ, ਜਿਸ ਨੂੰ ਜ਼ਬਤ ਕਰ ਲਿਆ ਗਿਆ ਹੈ| ਇਸ ਤੋਂ ਇਲਾਵਾ ਕਈ ਹੋਰ ਵੀ ਇਤਰਾਜ਼ਯੋਗ ਵਸਤੂਆਂ ਤਲਾਸ਼ੀ ਟੀਮ ਨੇ ਜ਼ਬਤ ਕੀਤੀਆਂ ਹਨ|
ਇਸ ਦੌਰਾਨ ਇਕ ਗੁਫਾ ਵੀ ਮਿਲੀ ਹੈ, ਜੋ ਸਾਧਵੀਆਂ ਦੇ ਆਸ਼ਰਮ ਤੱਕ ਜਾਂਦੀ ਹੈ| ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਡੇਰੇ ਦੀ ਤਲਾਸ਼ੀ ਲਈ ਜਾ ਰਹੀ ਹੈ, ਜਿਸ ਤੋਂ ਬਾਅਦ ਕਈ ਰਾਜ ਖੁੱਲ੍ਹਣ ਦੀ ਸੰਭਾਵਨਾ ਹੈ|