ਪੰਜਾਬ ਦੀਆਂ 4 ਸੀਟਾਂ ‘ਤੇ ਫਸੇ ਕੁੰਡੀਆਂ ਦੇ ਸਿੰਗ
ਲੁਧਿਆਣਾ, ਪਟਿਆਲਾ ਫਿਰੋਜ਼ਪੁਰ ਤੇ ਸ੍ਰੀ ਅਨੰਦਪੁਰ ਸਾਹਿਬ ਦੀ ਸੀਟ ਬਣੀ ਦਿਲਚਸਪ
ਚੰਡੀਗੜ੍ਹ, 4 ਜੂਨ (ਵਿਸ਼ਵ ਵਾਰਤਾ):- ਪੰਜਾਬ ਦੀਆਂ ਚਾਰ ਸੀਟਾਂ ਲੁਧਿਆਣਾ ਅਨੰਦਪੁਰ ਸਾਹਿਬ ਪਟਿਆਲਾ ਅਤੇ ਫਿਰੋਜ਼ਪੁਰ ‘ਚ ਫਸਵਾ ਮੁਕਾਬਲਾ ਦੇਖਣ ਨੂੰ ਮਿਲ ਰਿਹਾ ਹੈ। ਇਹ ਉਹ ਸੀਟਾਂ ਨੇ ਜਿਥੇ ਕਦੀ ਕੋਈ ਉਮੀਦਵਾਰ ਅੱਗੇ ਦਿਖਾਈ ਦੇ ਰਿਹਾ ਹੈ ਅਤੇ ਕਦੇ ਕੋਈ ਹੋਰ ਉਮੀਦਵਾਰ ਲੀਡ ਬਣਾ ਲੈਂਦਾਂ ਹੈ। ਪਟਿਆਲਾ ‘ਚ BJP ਉਮੀਦਵਾਰ ਨੇ ਜਿਥੇ ਲੀਡ ਬਣਾਈ ਸੀ ਉਥੇ ਹੁਣ ਪ੍ਰਨੀਤ ਕੌਰ ਨੂੰ ਪਛਾੜ ਕੇ ਡਾ. ਧਰਮਵੀਰ ਗਾਂਧੀ ਲੀਡ ਬਣਾਉਂਦੇ ਹੋਏ ਨਜਰ ਆ ਰਹੇ ਹਨ। ਡਾ ਬਲਬੀਰ ਪਟਿਆਲਾ ਤੋਂ ਤੀਜੇ ਨੰਬਰ ‘ਤੇ ਚਲ ਰਹੇ ਹਨ। ਲੁਧਿਆਣਾ ਵਿਖੇ ਇਸ ਵੇਲੇ ਰਾਜਾ ਵੜਿੰਗ 9600 ਵੋਟਾਂ ਨਾਲ ਅੱਗੇ ਚੱਲ ਰਹੇ ਹਨ। ਫਿਰੋਜ਼ਪੁਰ ‘ਚ ਸ਼ੇਰ ਸਿੰਘ ਘੁਬਾਇਆ 4 ਹਜ਼ਾਰ ਵੋਟਾਂ ਨਾਲ ਪਹਿਲੇ ਨੰਬਰ ‘ਤੇ ਚਲ ਰਹੇ ਹਨ। ਇਥੋਂ ਕਾਕਾ ਬਰਾੜ ਦੂਸਰੇ ਨੰਬਰ ‘ਤੇ ਚੱਲ ਰਹੇ ਹਨ। .ਹੁਸ਼ਿਆਰਪੁਰ ‘ਚ ਰਾਜ ਕੁਮਾਰ ਚੱਬੇਵਾਲ ਇਸ ਵੇਲੇ 12000 ਵੋਟਾਂ ਨਾਲ ਅੱਗੇ ਚਲ ਰਹੇ ਹਨ। ਸ਼੍ਰੋਮਣੀ ਅਕਾਲੀ ਦਲ ਨੂੰ ਫਿਲਹਾਲ ਸਿਰਫ ਇਕ ਸੀਟ ਮਿਲਦੀ ਹੋਈ ਨਜਰ ਆ ਰਹੀ ਹੈ।
