ਸ੍ਰੀਲੰਕਾ ਤੋਂ ਬਦਲਾ ਲੈਣ ਮੈਦਾਨ ‘ਤੇ ਉਤਰੇਗੀ ਟੀਮ ਇੰਡੀਆ ਅੱਜ

ਕੋਲੰਬੋ, 12 ਮਾਰਚ – ਸ੍ਰੀਲੰਕਾ ਵਿਖੇ ਚੱਲ ਰਹੀ ਟੀ-20 ਤਿਕੋਣੀ ਲੜੀ ਵਿਚ ਅੱਜ ਭਾਰਤ ਅਤੇ ਸ੍ਰੀਲੰਕਾ ਵਿਚਾਲੇ ਮੈਚ ਹੋਣ ਜਾ ਰਿਹਾ ਹੈ| ਇਹ ਮੈਚ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 7 ਵਜੇ ਹੋਵੇਗਾ|
ਇਸ ਤੋਂ ਪਹਿਲਾਂ ਇਹ ਦੋਵੇਂ ਟੀਮਾਂ ਆਹਮੋ-ਸਾਹਮਣੇ ਹੋ ਚੁੱਕੀਆਂ ਹਨ, ਜਿਸ ਵਿਚ ਟੀਮ ਇੰਡੀਆ ਨੂੰ 5 ਵਿਕਟਾਂ ਨਾਲ ਹਾਰ ਦਾ ਮੂੰਹ ਦੇਖਣਾ ਪਿਆ ਸੀ, ਹੁਣ ਉਹ ਸ੍ਰੀਲੰਕਾ ਤੋਂ ਉਸ ਹਾਰ ਦਾ ਬਦਲਾ ਲੈਣ ਲਈ ਮੈਦਾਨ ਉਤੇ ਉਤਰੇਗੀ| ਇਹੀ ਨਹੀਂ ਜੇਕਰ ਟੀਮ ਇੰਡੀਆ ਇਹ ਮੈਚ ਜਿੱਤ ਲੈਂਦੀ ਹੈ ਤਾਂ ਉਹ ਸਿੱਧਾ ਫਾਈਨਲ ਵਿਚ ਪਹੁੰਚ ਜਾਵੇਗੀ, ਜਿਥੇ ਉਸ ਦਾ ਮੁਕਾਬਲਾ ਸ੍ਰੀਲੰਕਾ ਜਾਂ ਬੰਗਲਾਦੇਸ਼ ਨਾਲ ਹੋਵੇਗਾ|
ਇਸ ਮੈਚ ਵਿਚ ਟੌਸ ਅਹਿਮ ਭੂਮਿਕਾ ਨਿਭਾਏਗਾ| ਜਿਹੜੀ ਟੀਮ ਟੌਸ ਜਿੱਤੇਗੀ, ਉਹ ਪਹਿਲਾਂ ਗੇਂਦਬਾਜ਼ੀ ਕਰਨਾ ਚਾਹੇਗੀ|