ਕਿਹਾ : ਵਿਕਸਿਤ ਸਮਾਜ ਦੀ ਸਿਰਜਣਾ ਵਿੱਚ ਔਰਤਾਂ ਦੀ ਭੂਮਿਕਾ ਅਹਿਮ
ਲਾਈਨਜ ਕਲੱਬ ਪੰਚਕੂਲਾ ਪ੍ਰੀਮੀਅਰ ਦੇ ਸਹਿਯੋਗ ਨਾਲ ਮਟੋਰ ਵਿਖੇ ਖੋਲਿਆ ਗਿਆ
ਸਿਲਾਈ ਹੁਨਰ ਵਿਕਾਸ ਕੇਂਦਰ
ਔਰਤਾਂ ਨੂੰ ਆਤਮ ਨਿਰਭਰ ਬਣਾਉਣ ਵਿੱਚ ਸਿਖਲਾਈ ਕੇਂਦਰ ਨਿਭਾਵੇਗਾ ਅਹਿਮ ਭੂਮਿਕਾ – ਕੁਲਵੰਤ ਸਿੰਘ
ਮੋਹਾਲੀ: 12 ਅਗਸਤ ( ਸਤੀਸ਼ ਕੁਮਾਰ ਪੱਪੀ )-ਜਦੋਂ ਇੱਕ ਔਰਤ ਪੜ੍ਹ ਲਿਖ ਕੇ ਆਪਣੇ ਪੈਰਾਂ ਤੇ ਖੜੀ ਹੁੰਦੀ ਹੈ ਤਾਂ ਸਮਾਜ ਵਧੇਰੇ ਤਰੱਕੀ ਕਰਦਾ ਹੈ। ਵਿਕਸਿਤ ਸਮਾਜ ਦੀ ਸਿਰਜਣਾ ਵਿੱਚ ਔਰਤਾਂ ਦੀ ਭੂਮਿਕਾ ਨੂੰ ਅਣਗੌਲਿਆ ਨਹੀਂ ਕੀਤਾ ਜਾ ਸਕਦਾ। ਇਸ ਲਈ ਔਰਤਾਂ ਨੂੰ ਸ਼ਸ਼ਕਤ ਕਰਨ ਲਈ ਸਮਾਜ ਨੂੰ ਹਮੇਸ਼ਾ ਆਪਣਾ ਨਿੱਘਰ ਯੋਗਦਾਨ ਪਾਉਣਾ ਚਾਹੀਦਾ ਹੈ। ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਅੱਜ ਵਿਧਾਇਕ ਕੁਲਵੰਤ ਸਿੰਘ ਨੇ ਪਿੰਡ ਮਟੌਰ ਵਿਖੇ ਹੁਨਰ ਸਿਖਲਾਈ ਵਿਕਾਸ ਕੇਂਦਰ ਦਾ ਉਦਘਾਟਨ ਕਰਦੇ ਹੋਏ ਕੀਤਾ । ਇਸ ਦੌਰਾਨ ਕੇਂਦਰ ਨੂੰ ਕੁੱਲ 24 ਮਸ਼ੀਨਾਂ ਭੇਟ ਕੀਤੀਆਂ ਗਈਆਂ , ਜਿਸ ਵਿੱਚ ਸਲਾਈ ਮਸ਼ੀਨਾਂ ,ਕਢਾਈ ਦੀਆਂ ਮਸ਼ੀਨਾਂ , ਪੀਕੋ ਮਸ਼ੀਨਾਂ ਅਤੇ ਫੈਸ਼ਨ ਡਿਜਾਈਨਿੰਗ ਦੀਆਂ ਮਸ਼ੀਨਾਂ ਸ਼ਾਮਿਲ ਹਨ।
ਜ਼ਿਕਰਯੋਗ ਹੈ ਕਿ ਕੁਲਵੰਤ ਸਿੰਘ ਐਮ.ਐਲ.ਏ ਦੇ ਉਪਰਾਲੇ ਸਦਕਾ ਜਨਤਾ ਲੈਂਡ ਪ੍ਰੋਮੋਟਰਜ ਪ੍ਰਾਈਵੇਟ ਲਿਮਿਟਡ ਸਿੰਗਰ ਇੰਡੀਆ ਲਿਮਿਟਡ ਅਤੇ ਲਾਈਨਜ ਕਲੱਬ ਪੰਚਕੂਲਾ ਪ੍ਰੀਮੀਅਰ ਦੇ ਸਹਿਯੋਗ ਨਾਲ ਮਟੋਰ ਵਿਖੇ ਸਿਲਾਈ ਹੁਨਰ ਵਿਕਾਸ ਕੇਂਦਰ ਖੋਲਿਆ ਗਿਆ। ਜਿਸ ਵਿੱਚ ਸਿਲਾਈ ਅਤੇ ਕਢਾਈ ਦੀ ਸਿਖਲਾਈ ਦਿੱਤੀ ਜਾਵੇਗੀ । ਇਸ ਕੇਂਦਰ ਵਿੱਚ ਸਿਖਲਾਈ ਦਾ ਸਮਾਂ ਦੁਪਹਿਰ ਦੋ ਵਜੇ ਤੋਂ ਸ਼ਾਮ 5 ਵਜੇ ਤੱਕ ਦਾ ਰੱਖਿਆ ਗਿਆ। ਇਸ ਕੇਂਦਰ ਵਿੱਚ ਔਰਤਾਂ ਨੂੰ ਸਿਲਾਈ ਅਤੇ ਕਢਾਈ ਦੀ ਬੜੇ ਹੀ ਵਧੀਆ ਤਰੀਕੇ ਨਾਲ ਸਿਖਲਾਈ ਦਿੱਤੀ ਜਾਵੇਗੀ ਤਾਂ ਜੋ ਹਰ ਇੱਕ ਔਰਤ ਆਤਮ ਨਿਰਭਰ ਬਣ ਸਕੇ। ਇਹ ਸਿਖਲਾਈ ਔਰਤਾਂ ਦੇ ਲਈ ਬਹੁਤ ਹੀ ਜਰੂਰੀ ਹੈ। ਇਸ ਕੇਂਦਰ ਵਿੱਚ ਔਰਤਾਂ ਨੂੰ ਸਿਖਲਾਈ ਦੇਣ ਲਈ ਵਿਸ਼ਾ ਮਾਹਿਰ ਆਪਣੀਆਂ ਸੇਵਾਵਾਂ ਦੇਣਗੇ
ਹੋਰ ਅੱਗੇ ਬੋਲਦੇ ਹੋਏ ਉਹਨਾਂ ਕਿਹਾ ਕਿ ਇਸ ਕੇਂਦਰ ਤੋਂ ਸਿਖਲਾਈ ਪ੍ਰਾਪਤ ਕਰਨ ਤੋਂ ਬਾਅਦ ਇਸ ਹਲਕੇ ਵਿਚਲੀਆਂ ਔਰਤਾਂ ਲਈ ਰੁਜ਼ਗਾਰ ਦੀ ਸਾਧਨ ਖੁਲਣਗੇ ਅਤੇ ਉਹ ਆਪਣੀ ਪੈਰਾਂ ਤੇ ਆਪ ਖੜੀਆਂ ਹੋ ਸਕਣਗੀਆਂ । ਉਨ੍ਹਾਂ ਕਿਹਾ ਕਿ ਔਰਤਾਂ ਦੀ ਤਰੱਕੀ ਵਿਚ ਉਨ੍ਹਾਂ ਦੇ ਵਿੱਤੀ ਪੱਖ ਦਾ ਮਜ਼ਬੂਤ ਹੋਣਾ ਬੇਹੱਦ ਲਾਜਮੀ ਹੈ । ਕਿਉਂਕਿ ਜੋ ਔਰਤ ਆਤਮ ਨਿਰਭਰ ਹੁੰਦੀ ਹੈ। ਉਹ ਜ਼ਿੰਦਗੀ ਵਿਚਲੇ ਫੈਸਲੇ ਆਸਾਨੀ ਨਾਲ ਲੈ ਲੈਂਦੀ ਹੈ । ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਲਾਇਨਜ਼ ਕਲੱਬ ਪੰਚਕੂਲਾ ਦੇ ਪ੍ਰੀਮੀਅਰ ਮੈਂਬਰ ਹਾਜ਼ਰ ਪ੍ਰੋਜੈਕਟ ਚੇਅਰਪਰਸਨ ਡਾ.ਐਸ.ਐਸ.ਭਮਰਾ, ਦਿਨੇਸ਼ ਸਚਦੇਵਾ (ਪ੍ਰਧਾਨ), ਇਕੇਸ਼ਪਾਲ ਸਿੰਘ (ਸਕੱਤਰ), ਰਮਨ ਕੁਮਾਰ (ਖਜ਼ਾਨਚੀ), ਪਰਮਜੀਤ ਸਿੰਘ ਚੌਹਾਨ, ਕੁਲਦੀਪ ਸਿੰਘ, ਪਰਵਿੰਦਰ ਸਿੰਘ, ਐਚ.ਐਸ ਬਰਾੜ, ਅਮਰਜੀਤ ਸਿੰਘ।
