ਪੰਜਾਬ ਦੇ ਲੋਕ ਸੰਪਰਕ ਵਿਭਾਗ ਦੇ ਸਾਬਕਾ ਡਿਪਟੀ ਡਾਇਰੈਕਟਰ ਸ੍ਰੀ ਅਸ਼ੋਕ ਬਾਂਸਲ ਨਹੀਂ ਰਹੇ – ਰਸਮ ਕਿਰਿਆ ਕੱਲ੍ਹ

ਚੰਡੀਗੜ੍ਹ 23 ਮਾਰਚ( ਵਿਸ਼ਵ ਵਾਰਤਾ )-ਪੰਜਾਬ ਦੇ ਸਾਬਕਾ ਡਿਪਟੀ ਡਾਇਰੈਕਟਰ ਸ੍ਰੀ ਅਸ਼ੋਕ ਬਾਂਸਲ ਦਾ ਦਿਹਾਂਤ ਹੋ ਗਿਆ ਹੈ। ਸ੍ਰੀ ਬਾਂਸਲ ਜੋ 2007 ਵਿੱਚ ਲੋਕ ਸੰਪਰਕ ਵਿਭਾਗ ਤੋਂ ਸੇਵਾਮੁਕਤ ਹੋਏ ਸਨ, ਨੇ ਸੋਮਵਾਰ 22 ਮਾਰਚ, 2021 ਨੂੰ ਆਖ਼ਰੀ ਸਾਹ ਲਏ। ਉਹ ਆਪਣੇ ਪਿੱਛੇ ਆਪਣੀ ਪਤਨੀ ਸ੍ਰੀਮਤੀ ਪਿੰਕੀ ਬਾਂਸਲ ਅਤੇ ਦੋ ਧੀਆਂ ਪਿਅੰਕਾ ਅਤੇ ਅੰਕਿਤਾ ਛੱਡ ਗਏ ਹਨ। ਉਹਨਾਂ ਦੀ ਕਿਰਿਆ ਅਤੇ ਰਸਮ ਪਗੜੀ ਵੀਰਵਾਰ, 25 ਮਾਰਚ ਨੂੰ ਦੁਪਹਿਰ 2 ਤੋਂ 3 ਵਜੇ ਤਕ ਕਲੱਬ ਹਾਊਸ, ਇੰਪੀਰੀਅਲ ਰੈਜ਼ੀਡੈਂਸੀ, ਪੀਰ ਛੱਲਾ ਵਿਖੇ ਹੋਵੇਗੀ। ਲੋਕ ਸੰਪਰਕ ਵਿਭਾਗ ਦੇ ਸਮੂਹ ਉੱਚ ਅਧਿਕਾਰੀਆਂ ਅਤੇ ਸਟਾਫ਼ ਨੇ ਸ੍ਰੀ ਬਾਂਸਲ ਦੇ ਦਿਹਾਂਤ ਤੇ ਡੂੰਘੇ ਦੁੱਖ ਅਤੇ ਅਫ਼ਸੋਸ ਦਾ ਪ੍ਰਗਟਾਵਾ ਕਰਦਿਆਂ ਪਰਿਵਾਰ ਨਾਲ ਹਮਦਰਦੀ ਦਾ ਇਜ਼ਹਾਰ ਕੀਤਾ ਹੈ।