ਦਿੱਲੀ ਸਰਕਾਰ ਦਾ ਵੱਡਾ ਫੈਸਲਾ
ਬਰਡ ਫਲੂ ਦੇ ਖਤਰੇ ਨੂੰ ਦੇਖਦਿਆਂ ਲਿਆ ਅਹਿਮ ਫੈਸਲਾ
ਬਰਡ ਫਲੂ ਦਾ ਅਸਰ ਦਿੱਲੀ ਵਿੱਚ ਵੀ ਸਰਕਾਰ ਨੇ ਚਿਕਨ ਅਤੇ ਆਂਡਿਆਂ ਦੀ ਬਾਹਰਲੇ ਰਾਜਾਂ ਤੋਂ ਆਉਣ ਤੇ ਲਗਾਈ ਪਾਬੰਦੀ
ਦਿੱਲੀ ਦੀ ਵੱਡੀ ਪੋਲਟਰੀ ਮੰਡੀ 10ਦਿਨਾਂ ਤੱਕ ਬੰਦ ਕਰਨ ਦੇ ਆਦੇਸ਼
ਸਰਕਾਰ ਨੇ ਅਹਿਤਿਆਤ ਵੱਜੋਂ ਚੁੱਕੇ ਕਦਮ
ਦਿੱਲੀ, 9ਜਨਵਰੀ(ਵਿਸ਼ਵ ਵਾਰਤਾ)- ਦੇਸ਼ ਭਰ ਵਿੱਚ ਬਰਡ ਫਲੂ ਦੇ ਫੈਲ ਰਹੇ ਖਤਰੇ ਨੂੰ ਭਾਂਪਦਿਆਂ ਦਿੱਲੀ ਸਰਕਾਰ ਨੇ ਵੀ ਇਕ ਵੱਡਾ ਫੈਸਲਾ ਲੈਂਦਿਆਂ ਦਿੱਲੀ ਵਿੱਚ ਬਾਹਰਲੇ ਰਾਜਾਂ ਤੋਂ ਆਉਣ ਵਾਲੇ ਚਿਕਨ ਅਤੇ ਆਂਡਿਆਂ ਤੇ ਪਾਬੰਦੀ ਲਗਾ ਦਿੱਤੀ ਹੈ ਅਤੇ ਦਿੱਲੀ ਦੀ ਸਭ ਤੋਂ ਵੱਡੀ ਪੋਲਟਰੀ ਮੰਡੀ ਗਾਜ਼ੀਪੁਰ ਵੀ 10 ਦਿਨਾਂ ਲਈ ਬੰਦ ਕਰਨ ਦੇ ਹੁਕਮ ਜਾਰੀ ਕੀਤੇ ਹਨ। ਇਥੇ ਇਹ ਗੱਲ ਵਰਨਣਯੋਗ ਹੈ ਕਿ ਦਿੱਲੀ ਵਿੱਚ ਆਲੇ-ਦੁਆਲੇ ਦੇ ਰਾਜਾਂ ਤੋਂ ਭਾਰੀ ਮਾਤਰਾ ਵਿੱਚ ਚਿਕਨ ਅਤੇ ਆਂਡੇ ਵਿਕਣ ਲਈ ਆਉਂਦੇ ਹਨ।ਸਰਕਾਰ ਵੱਲੋਂ ਇਹ ਕਦਮ ਚੁੱਕਣ ਤੋਂ ਬਾਅਦ ਦਿੱਲੀ ਵਾਸੀਆਂ ਵਿੱਚ ਵੀ ਚਿਕਨ,ਅੰਡੇ ਖਾਣ ਬਾਰੇ ਦਹਿਸ਼ਤ ਫੈਲ ਗਈ ਹੈ ਪਰ ਦਿੱਲੀ ਵਿੱਚ ਅਜੇ ਤੱਕ ਬਰਡ ਫਲੂ ਦੀ ਬਿਮਾਰੀ ਹੋਣ ਦੀ ਪੁਸ਼ਟੀ ਨਹੀਂ ਹੋਈ ਹੈ।
