– 
-ਭਾਰੀ ਪੁਲੀਸ ਵੀ ਰਿਹਾਅ ਨਾ ਕਰਵਾ ਸਕੀ, ਦੇਰ ਸ਼ਾਮ ਸਮਝੌਤੇ ਤੋਂ ਪਿੱਛੋਂ ਹੋਈ ਰਿਹਾਈ
ਮਾਨਸਾ, 4 ਸਤੰਬਰ (ਵਿਸ਼ਵ ਵਾਰਤਾ)- ਕਿਸਾਨਾਂ—ਮਜ਼ਦੂਰਾਂ ਦੇ ਸੰਘਰਸ਼ਾਂ ਵਿਚ ਮੋਹਰੀ ਮੰਨੇ ਜਾਂਦੇ ਪਿੰਡ ਭੈਣੀਬਾਘਾ ਦੇ ਇਕ ਕਿਸਾਨ ਗੋਰਾ ਸਿੰਘ ਪੁੱਤਰ ਹਜੂਰਾ ਸਿµਘ ਦੀ ਜਮੀਨ ਦੀ ਨਿਲਾਮੀ ਕਰਨ ਆਏ ਅਧਿਕਾਰੀਆਂ ਸਮੇਤ ਮਾਨਸਾ ਦੇ ਇਕ ਆੜਤੀਆ ਫਰਮ ਅਤੇ ਤਹਿਸੀਲਦਾਰ ਦੇ ਰੀਡਰ ਨੂੰ ਪਿੰਡ ਦੇ ਲੋਕਾਂ ਵੱਲੋਂ ਬੰਦੀ ਬਣਾ ਲਿਆ ਗਿਆ। ਸੰਘਰਸ਼ੀ ਲੋਕਾਂ ਵੱਲੋਂ ਆੜਤੀਆਂ ਨੂੰ ਬੰਦੀ ਦੌਰਾਨ ਧੁੱਪੇ ਬਿਠਾਕੇ ਰੱਖਿਆ ਗਿਆ ਅਤੇ ਪੁਲੀਸ ਨੂੰ ਜਦੋਂ ਇਸ ਦੀ ਜਾਣਕਾਰੀ ਮਿਲੀ ਤਾਂ ਵੱਡੀ ਪੱਧਰ *ਤੇ ਫੋਰਸ ਵੱਲੋਂ ਜਾਕੇ ਉਨ੍ਹਾਂ ਨੂੰ ਛਡਾਉਣ ਦਾ ਯਤਨ ਕੀਤਾ ਗਿਆ, ਪਰ ਕਿਸਾਨ ਜਥੇਬੰਦੀਆਂ ਦੇ ਆਗੂਆਂ ਮੁਹਰੇ ਉਨ੍ਹਾਂ ਦੀ ਕੋਈ ਵਾਹ—ਪੇਸ਼ ਨਹੀਂ ਗਈ। ਇਸ ਨਿਲਾਮੀ ਦੇ ਵਿਰੋਧ ਵਿਚ ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਡਕੌਂਦਾ) ਅਤੇ ਪੰਜਾਬ ਕਿਸਾਨ ਯੂਨੀਅਨ ਦੇ ਆਗੂ ਚਟਾਨ ਵਾਂਗ ਡਟ ਗਏ ਸਨ। ਦੇਰ ਸ਼ਾਮ ਹੋਏ ਇਕ ਸਮਝੌਤੇ ਤੋਂ ਬਾਅਦ ਆੜਤੀਏ ਅਤੇ ਰੀਡਰ ਨੂੰ ਰਿਹਾਅ ਕੀਤਾ ਗਿਆ। ਡੇਢ ਲੱਖ ਰੁਪਏ ਦੀ ਰਾਸ਼ੀ ਵਾਲਾ ਇਹ ਸਮਝੌਤਾ ਕਿਸਾਨ ਜਥੇਬੰਦੀਆਂ ਵੱਲੋਂ 40 ਹਜਾਰ ਰੁਪਏ ਵਿਚ ਹੋਇਆ ਮੰਚ ਤੋਂ ਦੱਸਿਆ ਗਿਆ।
ਕਿਸਾਨ ਗੋਰਾ ਸਿੰਘ ਦੀ ਦੋ ਕਨਾਲਾਂ ਜਮੀਨ ਦੇ ਕੁਰਕੀ ਸਬੰਧੀ ਆਦੇਸ਼ ਮਾਨਸਾ ਦੀ ਇਕ ਅਦਾਲਤ ਵੱਲੋਂ ਦਿੱਤੇ ਗਏ ਦੱਸੇ ਜਾਂਦੇ ਹਨ। ਇਹ ਕੁਰਕੀ ਡੇਢ ਲੱਖ ਰੁਪਏ ਵਿਚ ਹੋਣੀ ਦੱਸੀ ਗਈ, ਜਿਸ ਲਈ ਆੜਤੀਆ ਫਰਮ ਦੇ ਦੋ ਜਣੇ ਬਕਾਇਦਾ ਪਿੰਡ ਦੇ ਪਟਵਾਰ ਖਾਨੇ ਵਿਚ ਇਸ ਸਬੰਧੀ ਕਾਗਜੀ ਕਾਰਵਾਈ ਕਰਵਾਉਣ ਲਈ ਗਏ ਸਨ, ਜਿੰਨ੍ਹਾਂ ਨੂੰ ਕਿਸਾਨ ਜਥੇਬੰਦੀਆਂ ਵੱਲੋਂ ਬਕਾਇਦਾ ਬੰਦੀ ਬਣਾਇਆ ਗਿਆ।
ਪੰਜਾਬ ਕਿਸਾਨ ਯੂਨੀਅਨ ਦੇ ਸੂਬਾ ਪ੍ਰਧਾਨ ਰੁਲਦੂ ਸਿੰਘ ਅਤੇ ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਡਕੌਂਦਾ) ਦੇ ਜ਼ਿਲ੍ਹਾ ਜਨਰਲ ਸਕੱਤਰ ਮਹਿੰਦਰ ਸਿੰਘ ਭੈਣੀਬਾਘਾ ਨੇ ਆਪੋ—ਆਪਣੀਆਂ ਤਕਰੀਰਾਂ ਦੌਰਾਨ ਦਾਅਵਾ ਕੀਤਾ ਕਿ ਕਿਸਾਨਾਂ ਅਤੇ ਔਰਤਾਂ ਨੇ ਪਟਵਾਰ ਖਾਨੇ ਦਾ ਘਿਰਾਓ ਕਰਕੇ ਤਹਿਸੀਲਦਾਰ ਦੇ ਰੀਡਰ ਸਮੇਤ ਆੜ੍ਹਤੀਆਂ ਨੂੰ ਬµਦੀ ਬਣਾਕੇ ਰ¤ਖਿਆ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਜਦੋਂ ਪੰਜਾਬ ਦੇ ਮੁੱਖ ਮੰਤਰੀ ਨੇ ਕਿਸੇ ਕਿਸਾਨ ਦੀ ਜਮੀਨ ਕਰਜੇ ਵਿਚ ਨਾ ਨਿਲਾਮ ਹੋਣ ਦਾ ਅਨੇਕਾਂ ਵਾਰ ਦਾਅਵਾ ਕੀਤਾ ਗਿਆ ਹੈ, ਫਿਰ ਸਰਕਾਰੀ ਅਧਿਕਾਰੀ ਅਜਿਹੀ ਜਮੀਨ ਦੀ ਨਿਲਾਮੀ ਕਰਨ ਲਈ ਕਿਹੜੇ ਆਦੇਸ਼ਾਂ ਤਹਿਤ ਪਿੰਡਾਂ ਵਿਚ ਪੁੱਜ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਕਰਜਾ—ਕੁਰਕੀਆਂ ਖਤਮ ਹੋ ਗਈਆਂ ਹਨ, ਪਰ ਕਿਸਾਨਾਂ ਦੀਆਂ ਪ੍ਰੇਸ਼ਾਨੀਆਂ ਦੂਰ ਨਹੀਂ ਹੋਈਆਂ ਹਨ।
ਕਿਸਾਨ ਆਗੂ ਬਲਵਿੰਦਰ ਸ਼ਰਮਾ ਖਿਆਲਾ ਨੇ ਕਿਹਾ ਕਿ ਜਥੇਬੰਦੀ ਪਹਿਲਾਂ ਹੀ ਆਪਣੇ ਪ੍ਰੋਗਰਾਮਾਂ ਵਿਚ ਇਹ ਐਲਾਨ ਕਰ ਚੁੱਕੀ ਹੈ ਕਿ ਨਿਲਾਮੀ ਵਾਲੇ ਅਧਿਕਾਰੀਆਂ ਦਾ ਪਿੰਡਾਂ ਵਿਚ ਬਕਾਇਦਾ ਘਿਰਾਓ ਕੀਤਾ ਜਾਵੇਗਾ, ਫਿਰ ਅਜਿਹੇ ਅਫਸਰ ਪਿੰਡਾਂ ਵਿਚ ਕਿਉਂ ਪੁੱਜ ਰਹੇ ਹਨ।
ਇਸੇ ਦੌਰਾਨ ਰਾਜ ਅਕਲੀਆਂ, ਕੇਵਲ ਸਿੰਘ ਮਾਖਾ, ਮੱਖਣ ਸਿੰਘ ਭੈਣੀਬਾਘਾ, ਹਰਦੇਵ ਸਿੰਘ, ਗੋਰਾ ਸਿੰਘ ਭੈਣੀਬਾਘਾ, ਹਰਜਿੰਦਰ ਸਿੰਘ, ਕਰਨੈਲ ਸਿੰਘ ਨੇ ਵੀ ਸੰਬੋਧਨ ਕੀਤਾ।
ਫੋਟੋ ਕੈਪਸ਼ਨ: ਨਿਲਾਮੀ ਦੇ ਵਿਰੋਧ ਵਿਚ ਇਕੱਠੇ ਹੋਏ ਕਿਸਾਨਾਂ ਨੂੰ ਸੰਬੋਧਨ ਕਰਦਾ ਆਗੂ ਗੋਰਾ ਸਿੰਘ ਭੈਣੀਬਾਘਾ। ਫੋਟੋ: ਵਿਸ਼ਵ ਵਾਰਤਾ
