ਅੱਜ ਮਣੀਪੁਰ ਦੇ ਕਬਾਇਲੀ ਨੇਤਾ ਅਮਿਤ ਸ਼ਾਹ ਨਾਲ ਕਰਨਗੇ ਮੁਲਾਕਾਤ

ਅੱਜ ਮਣੀਪੁਰ ਦੇ ਕਬਾਇਲੀ ਨੇਤਾ ਅਮਿਤ ਸ਼ਾਹ ਨਾਲ ਕਰਨਗੇ ਮੁਲਾਕਾਤ

ਚੰਡੀਗੜ੍ਹ,8ਅਗਸਤ(ਵਿਸ਼ਵ ਵਾਰਤਾ) ਮਣੀਪੁਰ ਦੇ ਆਦਿਵਾਸੀ ਸੰਗਠਨ ਇੰਡੀਜੀਨਸ ਟ੍ਰਾਈਬਲ ਲੀਡਰਜ਼ ਫੋਰਮ (ਆਈ.ਟੀ.ਐੱਲ.ਐੱਫ.) ਦਾ ਇਕ ਵਫਦ ਅੱਜ 8 ਅਗਸਤ ਨੂੰ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੂੰ ਮਿਲੇਗਾ। ਫੋਰਮ ਦੀਆਂ ਪੰਜ ਮੁੱਖ ਮੰਗਾਂ ਹਨ, ਜਿਨ੍ਹਾਂ ਵਿੱਚ ਵੱਖਰਾ ਪ੍ਰਸ਼ਾਸਨਿਕ ਗਠਨ ਅਤੇ ਚੂਰਾਚੰਦਪੁਰ ਵਿੱਚ ਕੁਕੀ-ਜੋ ਭਾਈਚਾਰੇ ਨੂੰ ਮ੍ਰਿਤਕਾਂ ਨੂੰ ਇਕੱਠੇ ਦਫ਼ਨਾਉਣ ਦੀ ਇਜਾਜ਼ਤ ਦੇਣਾ ਸ਼ਾਮਲ ਹੈ। ਜ਼ਿਕਰਯੋਗ ਹੈ ਕਿ 3 ਮਈ ਤੋਂ ਰਾਜ ਵਿੱਚ ਹਿੰਸਾ ਜਾਰੀ ਹੈ। ਹੁਣ ਤੱਕ ਮਨੀਪੁਰ ਵਿੱਚ 160 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।