ਨਵੀਂ ਦਿੱਲੀ, 23 ਫਰਵਰੀ : ਕਾਮੇਡੀ ਰਾਹੀਂ ਲੋਕਾਂ ਦੇ ਦਿਲਾਂ ਵਿਚ ਜਗ੍ਹਾ ਬਣਾਉਣ ਵਾਲੇ ਕਪਿਲ ਸ਼ਰਮਾ ਨੂੰ ਇਨ੍ਹੀਂ ਦਿਨੀਂ ਭਾਰਤੀ ਪ੍ਰਸੰਸਕਾਂ ਦੇ ਗੁੱਸੇ ਦਾ ਸ਼ਿਕਾਰ ਹੋਣਾ ਪੈ ਰਿਹਾ ਹੈ| ਵਜ੍ਹਾ ਹੈ ਕਪਿਲ ਵੱਲੋਂ ਪਾਕਿਸਤਾਨ ਸੁਪਰ ਲੀਗ (ਪੀ.ਐਸ.ਐਲ) ਦੀ ਪ੍ਰਮੋਸ਼ਨ ਕਰਨਾ| ਆਈ.ਪੀ.ਐਲ ਦੀ ਤਰਜ ਉਤੇ ਪਾਕਿਸਤਾਨ ਵੱਲੋਂ ਵੀ ਕ੍ਰਿਕਟ ਲੀਗ ਦੀ ਸ਼ੁਰੂਆਤ ਕੀਤੀ ਗਈ ਹੈ, ਜੋ ਕਿ ਦੁਬਈ ਵਿਖੇ ਹੋ ਰਹੀ ਹੈ| ਇਸ ਦੌਰਾਨ ਕਪਿਲ ਸ਼ਰਮਾ ਇਸ ਲੀਗ ਦੀ ਇੱਕ ਟੀਮ ਪੇਸ਼ਾਵਰ ਜ਼ਾਲਮੀ ਨੂੰ ਪ੍ਰਮੋਟ ਕਰਨ ਲਈ ਪਹੁੰਚੇ|ਇਸ ਟੀਮ ਦੇ ਕਪਤਾਨ ਵੈਸਟ ਇੰਡੀਜ਼ ਦੇ ਸੈਮੀ ਹਨ|
ਇਸ ਦੌਰਾਨ ਭਾਰਤੀ ਪ੍ਰਸੰਸਕਾਂ ਨੂੰ ਕਪਿਲ ਦੇ ਪਾਕਿਸਤਾਨੀ ਟੀਮ ਨੂੰ ਪ੍ਰਮੋਟ ਕਰਨਾ ਬਿਲਕੁਲ ਵੀ ਪਸੰਦ ਨਹੀਂ ਆਇਆ ਅਤੇ ਉਨ੍ਹਾਂ ਨੇ ਜਮ ਕੇ ਕਪਿਲ ਉਤੇ ਨਿਸ਼ਾਨੇ ਲਗਾਏ| ਟਵਿੱਟਰ ਉਤੇ ਕੁਝ ਪ੍ਰਸੰਸਕਾਂ ਨੇ ਲਿਖਿਆ ਹੈ ਕਿ ਇੱਕ ਪਾਸੇ ਭਾਰਤ ਦੀ ਸਰਹੱਦ ਉਤੇ ਪਾਕਿਸਤਾਨ ਅੱਤਵਾਦ ਦਾ ਨੰਗਾ ਨਾਚ ਕਰ ਰਿਹਾ ਹੈ| ਅਜਿਹੇ ਵਿਚ ਕਪਿਲ ਸ਼ਰਮਾ ਦੁਬਈ ਵਿਚ ਪਾਕਿਸਤਾਨ ਦੀ ਟੀਮ ਦਾ ਪ੍ਰਮੋਸ਼ਨ ਕਰ ਰਿਹਾ ਹੈ| ਇਹ ਕਪਿਲ ਦਾ ਪੈਸਾ ਪ੍ਰੇਮ ਹੈ ਜਾਂ ਪਾਕਿਸਤਾਨ ਪ੍ਰੇਮ| ਭਾਰਤੀ ਪ੍ਰਸੰਸਕਾਂ ਨੇ ਕਪਿਲ ਸ਼ਰਮਾ ਦੇ ਪਾਕਿਸਤਾਨੀ ਟੀਮ ਨੂੰ ਸਪੋਟ ਕਰਨ ਲਈ ਸ਼ਰਮਨਾਕ ਕਿਹਾ ਹੈ|